ប៉េកាំង៖ ប្រទេសចិនបានធ្វើសកម្មភាពឆ្លើយតបគ្រាអាសន្នកម្រិត IV ខណៈដែលព្យុះទីហ្វុង Muifa ដែលជាព្យុះទី 12 ក្នុងឆ្នាំនេះ កំពុងធ្វើដំណើរទៅជិតតំបន់ឆ្នេរភាគខាងកើតរបស់ប្រទេស ហើយត្រូវបានគេព្យាករណ៍ថានឹងផ្លាស់ទីទៅក្នុងសមុទ្រចិនខាងកើតនៅថ្ងៃចន្ទ។ នេះបើយោងតាមការចុះផ្សាយដោយទីភ្នាក់ងារសារព័ត៌មាន CGTN នៅថ្ងៃទី១២ កញ្ញា ២០២២។

ក្រសួងគ្រប់គ្រងគ្រោះអាសន្ន (MEM) បាននិយាយថា ចាប់ពីថ្ងៃច័ន្ទដល់ថ្ងៃសុក្រ ភ្លៀងធ្លាក់ខ្លាំង និងព្យុះភ្លៀងទំនងជានឹងវាយប្រហារតំបន់នានា រួមមានផ្នែកខ្លះនៃខេត្ត Zhejiang, Shanghai, Jiangsu និង Shandong។

យោងតាម MEM បានឱ្យដឹងថា ការិយាល័យកណ្តាលគ្រប់គ្រងទឹកជំនន់ និងគ្រោះរាំងស្ងួតរបស់រដ្ឋបានបញ្ជូនក្រុមការងាររទៅកាន់ខេត្ត Jiangsu និង Zhejiang ដើម្បីជួយ និងណែនាំការងារបង្ការទប់ស្កាត់ និងឆ្លើយតបនឹងព្យុះទីហ្វុង ។

ទីស្នាក់ការកណ្តាលបាននិយាយថា កិច្ចខិតខំប្រឹងប្រែងគួរតែត្រូវបានធ្វើឡើងដើម្បីពង្រឹងការត្រួតពិនិត្យ និងការពារប្រឆាំងនឹងគ្រោះមហន្តរាយដែលបង្កឡើងដោយព្យុះទីហ្វុង ខណៈពេលដែលអាជ្ញាធរស្នើឱ្យកប៉ាល់ទាំងអស់ចតនៅតាមកំពង់ផែ។RT