លោក មហាធៀរ ម៉ូហាម៉េដ អតីតនាយករដ្ឋមន្រ្តីម៉ាឡេស៊ី ត្រូវបានចូលសម្រាកមន្ទីរពេទ្យបន្ទាប់ពីធ្វើតេស្តរកឃើញវិជ្ជមានកូវីដ-១៩
1 ឆ្នាំ មុន
ម៉ាឡេស៊ី៖ អតីតនាយករដ្ឋមន្រ្តីម៉ាឡេស៊ី លោកបណ្ឌិត មហាធៀរ ម៉ូហាម៉េដ ដែលមានអាយុ៩៧ឆ្នំាទៅហើយនោះ ធ្វើតេស្តរកឃើញថា លោកមានវិជ្ជមានកូវីដ១៩ ហើយត្រូវបាននំាលោកយកទៅសម្រាកព្យាបាលនៅឯមន្ទីរពេទ្យនៅរសៀលថ្ងៃពុធនេះ ។ នេះបើតាមការចេញផ្សាយដោយសារព័ត៌មាន Reutersនៅថ្ងៃទី ៣១ ខែសីហា ឆ្នាំ២០២២។
ក្នុងសេចក្តីប្រកាសព័ត៌មានចេញពីការិយាល័យរបស់លោកបានលើកឡើងថា លោកបណ្ឌិតមហាធៀរ ម៉ូហាម៉េដបានចូលសម្រាកនៅឯវិជ្ជាស្ថានបេះដូងជាតិដើម្បីអង្កេតនិងតាមដានរយៈពេលពីរបីថ្ងៃបន្តទៀត តាមការណែនំារបស់ក្រុមវេជ្ជបណ្ឌិតចំណានៗនៅក្នុងប្រទេសម៉ាឡេស៊ី។
សូមបញ្ជាក់ថា លោកបណ្ឌិត មហាធៀរ បានទទួលវ៉ាក់សំាងការពាររហូតដល់៣ដូសរួចមកហើយដើម្បីប្រយុទ្ធប្រឆំាងទៅនឹងកូវីដ១៩នេះកាលពីខែវិច្ឆិកា ឆ្នំា២០២១៕SP
