ភ្លៀងមូសុងបានសម្លាប់មនុស្សយ៉ាងហោចណាស់មនុស្ស ២៥ នាក់និងរាប់លាននាក់បាត់បង់ជំរកនៅប្រទេសបង់ក្លាដែស និងឥណ្ឌា
ឥណ្ឌា៖ ក្រុមមន្ត្រីបាននិយាយថា យ៉ាងហោចណាស់មនុស្ស ២៥ នាក់ ត្រូវបានសម្លាប់ដោយសាររន្ទះ ឬការរអិលបាក់ដី កាលពីចុងសប្តាហ៍នៅក្នុងប្រទេសបង់ក្លាដែស ខណៈដែលមនុស្សរាប់លាននាក់ត្រូវបានទុកចោលអនាថា ឬគ្មានផ្ទះសម្បែង នៅតំបន់ភាគឦសានជាតំបន់ទំនាប ដែលរងគ្រោះដោយទឹកជំនន់ខ្យល់មូសុងដ៏អាក្រក់បំផុតក្នុងប្រវត្តិសាស្ត្រនាពេលថ្មីៗនេះរបស់ប្រទេស។
ជាមួយគ្នានេះផងដែរ មន្ត្រីប៉ូលីសក៏បាននិយាយកាលពីថ្ងៃអាទិត្យថា នៅក្នុងរដ្ឋ Assam ដែលជាប្រទេសជិតខាងរបស់ឥណ្ឌា មនុស្សយ៉ាងហោចណាស់ ១៧ នាក់ បានស្លាប់ក្នុងអំឡុងពេលរលកនៃទឹកជំនន់ដែលបានចាប់ផ្តើមក្នុងខែនេះ ។
លោក Arifuzzaman Bhuiyan ប្រធានមជ្ឈមណ្ឌលព្យាករណ៍ បាននិយាយថា ទន្លេជាច្រើននៃប្រទេសបង់ក្លាដែសបានឡើងដល់កម្រិតគ្រោះថ្នាក់ ហើយការហូរចេញពីភ្លៀងធ្លាក់ខ្លាំងពីទូទាំងភ្នំឥណ្ឌាបានធ្វើឱ្យស្ថានភាពកាន់តែធ្ងន់ធ្ងរឡើង។
ជាក់ស្តែង ប៉ូលិស និងទាហានរាប់ពាន់នាក់ត្រូវបានគេដាក់ពង្រាយទៅកាន់ផ្នែកខ្លះនៃប្រទេ សដើម្បី ជួយកិច្ចខិតខំប្រឹងប្រែងស្វែងរក និងជួយសង្គ្រោះ។ រហូតមកដល់ពេលនេះ មនុស្សប្រហែល ១០៥. ០០០ នាក់ ត្រូវបានជម្លៀសចេញ ប៉ុន្តែមន្ត្រីប៉ូលីសបានប៉ាន់ប្រមាណថា មនុស្សប្រមាណជាង ៤ លា ននាក់ នៅតែជាប់គាំង។
លោក Syed Rafiqul Haque អតីតសមាជិកសភា និងអ្នកនយោបាយបក្សកាន់អំណាចនៅសង្កាត់ Sunamganj បាននិយាយថា ប្រទេសកំពុងប្រឈមមុខនឹងវិបត្តិមនុស្សធម៌ ប្រសិនបើប្រតិបត្តិការជួយ សង្គ្រោះមិនត្រូវបានធ្វើឡើងត្រឹមត្រូវ។
គួរបញ្ជាក់ថា មនុស្សប្រហែល ៣,១ លាននាក់ ត្រូវបានផ្លាស់ទីលំនៅ ដែលមនុស្សចំនួន ២០០.០០០ នាក់ កំពុងស្នាក់នៅក្នុងជំរកបណ្តោះអាសន្ន ដែលដំណើរការដោយរដ្ឋាភិបាលនៅលើទំនប់ទឹក ឬនៅលើខ្ពង់រាបផ្សេងទៀត៕NR
