កាន់តែធ្ងន់ធ្ងរហើយ! ពេលនេះថៃ ត្រូវរងគ្រោះទឹកជំនន់យ៉ាងខ្លាំងចំនួន៤ខេត្ត ខណៈដែលកូវីដ១៩ កំពុងរីករាលដាលស្ទើរទូទាំងប្រទេស
3 ឆ្នាំ មុន
ថៃ៖ បើតាមក្រសួងធនធានទឹក និង ឧត្តុនិយម បានរាយការណ៍ថា នៅពេលនេះប្រទេសថៃ កំពុងតែប្រឈមនឹងគ្រោះទឹកជំនន់យ៉ាងធ្ងន់ធរ នូវខេត្តមួយចំនួនភាគខាងត្បូង ខណៈប្រទេសនេះកំពុងតែប្រឈមនឹងការរីករាលដាលនូវកូវីដ១៩ ស្ទើរទូទាំងប្រទេស មិនទាន់បានធូរស្រាលផង។
បើតាមអាជ្ញាធរថៃ បានប្រាប់ថា ហេតុការណ៍ជន់លិចនេះ បណ្ដាលមកពីភ្លៀងធ្លាក់ខ្លាំង និងធ្វើអោយទឹកទន្លេកើនឡើងខ្ពស់រហូតលិចខេត្តចំនួន៤ នៅភាគខាងត្បូងប្រទេសរួមមាន Narathiwat, Pattani, Songkhla, Yala ហើយធ្វើអោយផ្ទះប្រមាណជា ៦០០០០ខ្នង នេះត្រូវរងការខូចខាតស្ទើរទាំងស្រុង។
គួរបញ្ជាក់ផងដែរថា Pattani ជាខេត្តមួយក្នុងចំណោមខេត្តទាំង៤ខាងលើ បានក្លាយជាខេត្តដែរកំពុងរងផលប៉ះពាល់ធ្ងន់ធ្ងរជាងគេ ដោយអាជ្ញាធរខេត្តមួយនេះត្រូវសម្រេចបិទផ្លូវធ្វើដំណើរមួយចំនួនផងដែរ។
