ប្រទេសតួកគី៖ លោក Recep Tayyip Erdogan ប្រធានាធិបតីតួកគីបានបង្ហោះលើ Twitter ដោយប្រកាសថា លោក និងភរិយា បានធ្វើតេស្តវិជ្ជមាន ចំពោះមេរោគកូរ៉ូណា ប៉ុន្តែមានរោគសញ្ញាស្រាល។នេះបើយោងតាមសារព័ត៌មាន CNN ចេញផ្សាយនៅថ្ងៃទី៥ ខែកុម្ភៈ ឆ្នាំ២០២២។

ក្នុងសារដែលបានបង្ហោះនោះ លោកបាននិយាយថា«ថ្ងៃនេះ លទ្ធផលនៃការធ្វើតេស្ត COVID-19 របស់យើង ខ្ញុំជាមួយប្រពន្ធរបស់ខ្ញុំ បន្ទាប់ពីមានរោគសញ្ញាស្រាលៗ ប្រែទៅជាវិជ្ជមាន។ យើងមានករណីស្រាលនៃជំងឺ ដែលយើងបានសិក្សាគឺជាវ៉ារ្យ៉ង់ Omicron ។ បេសកកម្មរបស់យើង យើងនឹងបន្តធ្វើការពីផ្ទះ។ យើងកំពុងរង់ចាំ ការអធិស្ឋានរបស់អ្នក»។

សូមជម្រាបថា កាលពីដើមសប្តាហ៍នេះ លោក Erdogan និងភរិយា បានទៅបំពេញទស្សនកិច្ច ទៅកាន់ទីក្រុង Kiev ប្រទេស អ៊ុយក្រែន លោក Volodymyr Zelensky ដើម្បីពិភាក្សាអំពីភាពតានតឹង ដែលកំពុងកើតមាននៅក្នុងប្រទេសអ៊ុយក្រែន។ 

ករណីកូវីដ១៩ មានការកើនឡើងនៅក្នុងប្រទេសទួរគី ហើយប្រភេទ Omicron បានកើនឡើងខ្លាំងនៅក្នុងប្រទេសក្នុងខែមករា។ករណីថ្មីជាង ១00,000 ត្រូវបានរាយការណ៍កាលពីថ្ងៃអង្គារ ដែលជាកំណត់ត្រាថ្មីមួយនេះបើយោងតាមទិន្នន័យរបស់រដ្ឋាភិបាល។ទន្ទឹមនឹងនេះយ៉ាងហោចណាស់៦១% នៃប្រជាជនទាំងអស់នៅក្នុងប្រទេសបានទទួលវ៉ាក់សាំងចំនួន ២ដង៕SP