ប្រទេសឆេក៖ ប្រជាជនឆេករាប់ពាន់នាក់បានប្រមូលផ្តុំគ្នានៅទីលាន Wenceslas ទីក្រុង Prague កា​ល​ពីថ្ងៃអាទិត្យ ដោយគ្រវីទង់ជាតិ និងស្រែកពាក្យស្លោកប្រឆាំងនឹងការរឹតបន្តឹងលើជំងឺកូវីដ ១៩ បើ​ទោះបីជាមានការឆ្លងកើនឡើងក៏ដោយ។នេះបើតាមការចេញផ្សាយរបស់សារព័ត៌មានBBCនៅថ្ងៃទី៣០ ខែមករា ឆ្នាំ២០២១។

 ក្រុមអ្នកតវ៉ាភាគច្រើនបានជំទាស់នឹងការរឹតបន្តឹងដ៏តឹងរ៉ឹងសម្រាប់អ្នកដែលមិនបានចាក់ថ្នាំបង្ការ រួមទាំ​ងការហាមឃាត់ការទទួលទានអាហារនៅក្នុងភោជនីយដ្ឋានផងដែរ។ប្រទេសដែលមានចំនួន ១០,៧ លាននាក់នេះ បានរាយការណ៍ពីចំនួនករណីឆ្លងខ្ពស់បំផុតប្រចាំ​ថ្ងៃរបស់ខ្លួ​នកាលពី​ថ្ងៃពុធ ចំនួន ៥៤​.៦៨៩ ករណី ហើយចំនួនឆ្លងនៅថ្ងៃថ្មីៗនេះបានស្ថិតនៅក្នុ​ងចំណោមក​រណីឆ្លងខ្ពស់បំផុតចាប់​តាំង​ពីការចា​ប់​ផ្តើម​នៃការរីករាលដាល។

 នាយករដ្ឋមន្ត្រី លោក Petr Fiala បានកាត់បន្ថយពេលវេលាធ្វើចត្តាឡីស័កនិ​ងការនៅ​ដាច់​​ដោ​យ​ឡែកពីគេ សម្រាប់វ៉ារ្យ៉ង់ Omicron ខណៈពេលដែលចាប់ផ្តើមការ​ធ្វើតេស្តជាកា​តព្វកិ​ច្ចរ​បស់​បុគ្គលិ​កនៅតាមក្រុមហ៊ុន។  អ្នកសម្រាកព្យាបាលនៅមន្ទីរពេទ្យមានចំនួន ១.៩៨៩ នាក់ គិតត្រឹម​ថ្ងៃ​សៅរ៍ ដែ​លទាបជាងចំនួន​ប្រ​ហែល​ ៧.០០០ នាក់ ដែលត្រូវបានរាយកា​រណ៍ក្នុងអំ​ឡុងពេល​ករណី​ឆ្លងខ្លាំងបំ​ផុតនៅ ខែវិច្ឆិកា និងខែធ្នូ ឆ្នាំមុន។

 គួរបញ្ជាក់ថា ប្រទេសនេះបានរាយការណ៍ថាមានអ្នកស្លាប់ដោយសារមេរោគឆ្លងចំនួន ៣៧.១៨៤ នាក់ ចាប់តាំងពីការចាប់ផ្តើមនៃជំងឺរាតត្បាតដ៏អាក្រក់បំផុតមួយ​របស់​ពិភព​លោកក្នុងមួយ​​៕NR