អាមេរិក៖ក្រុមហ៊ុន Moderna បាននិយាយកាលពីថ្ងៃពុធថា ខ្លួននឹងស្នើឱ្យនិ​យតករផ្តល់សិ​ទ្ធិឱ្យវ៉ាក់​​សាំងការពារជំងឺកូវីដ ១៩ របស់ខ្លួន សម្រាប់កុមារអាយុក្រោម ៦ ឆ្នាំ ដោយផ្អែកលើទិន្នន័យដែល​បង្ហា​ញថាវាបានបង្កើតការឆ្លើយតបនៃប្រព័ន្ធភាពស៊ាំស្រដៀងគ្នាចំពោះមនុស្សពេញវ័យនៅក្នុងការសាកល្បងព្យាបាលរបស់ខ្លួន។

 វ៉ារ្យ៉ង់ Omicron នៃជំងឺកូវីដ ១៩ គឺមានបំរែបំរួលខ្លាំងក្នុងអំឡុងពេលការសាកល្បងកុមាររបស់ ក្រុមហ៊ុ​ន Moderna ហើយអ្នកផលិតថ្នាំបាននិយាយថា កម្រិតថ្នាំចំនួន ២ដូស គឺប្រហែល ៣៨% មានប្រសិទ្ធ​ភាព​ក្នុងការការពារការឆ្លងមេរោគលើកុមារអាយុពី ២ ទៅ ៥ ឆ្នាំ និងមានប្រសិទ្ធភាព ៤៤% សម្រាប់កុ​មារ​អា​យុពី ៦ខែ ដល់ក្រោមអាយុ ២ ឆ្នាំ។ គេក៏បាននិយាយថា តួលេខទាំងនេះគឺស្រប​ជាមួយនឹ​ងប្រសិ​ទ្ធភា​ពទាបប្រឆាំងនឹងវ៉ារ្យ៉ង់ Omicron ដែលត្រូ​វបានគេឃើញនៅក្នុងមនុស្សពេ​ញវ័​យដែល​បានទទួ​លវ៉ា​ក់​សាំ​ង ២ដូស ដូចគ្នា។

វ៉ាក់សាំងរបស់ក្រុមហ៊ុន Moderna អាចជាការចាក់វ៉ាក់សាំងដំបូងបង្អស់សម្រាប់កុមារ​ដែលមានអា​​យុក្រោម ៥ឆ្នាំ នៅក្នុងសហរដ្ឋអាមេរិក ហើយឪពុកម្តាយជាច្រើននាក់របស់កុមារកំពុងរង់ចាំ​វ៉ាក់​សាំ​ងនេះ។

វេជ្ជបណ្ឌិត Jacqueline Miller ដែលជាអ្នកវិទ្យាសាស្ត្រកំពូលនៅ Moderna បានប្រាប់អោ​យដឹង​ផងដែ​​រថា ក្រុមហ៊ុននៅ "ពីរបីសប្តាហ៍ទៀត" ពីការដាក់ពាក្យ​សុំការអ​នុញ្ញាត​ស​ម្រា​ប់ក្រុមអា​យុនៅសហរដ្ឋអាមេរិក អឺរ៉ុប និងកន្លែងផ្សេងទៀតលើការចាក់វ៉ាក់សាំងដល់កុមារ។

គួរបញ្ជាក់ថា វាមិនទាន់ច្បាស់នៅឡើយទេថា តើឪពុកម្តាយរបស់ក្មេងនិ​ងទារកនៃ​សហរដ្ឋអាមេរិក​ប៉ុ​ន្មាន​នាក់នឹងព្រមចាក់វ៉ាក់សាំងអោយកូនរបស់ពួកគេទទួលវ៉ាក់សាំងនេះ។ ដោយឡែក មានតែ ២៧% នៃកុ​មារអាយុពី ៥ ទៅ ១១ឆ្នាំ នៅក្នុងប្រទេសប៉ុណ្ណោះដែលត្រូវបានចាក់វ៉ាក់សាំងពេញលេញ ហើ​យ​ជា​​ទូទៅជំងឺកូវីដ ១៩ ដែលកើតលើកុមារគឺមានលក្ខណៈស្រាលជាងមនុស្សពេញវ័យផងដែរ៕ NR