បាងកក៖លោកស្រី Apisamai Srirangson អ្នកនាំពាក្យរបស់មជ្ឈមណ្ឌល សម្រាប់ការគ្រប់គ្រងស្ថា​នភាព ​Covid-19 បាននិយាយនៅថ្ងៃចន្ទថា ស្ត្រីរូបនេះបានស្លាប់ នៅក្នុងស្រុក Kut Chap នៃ Udon Thani កាលពីថ្ងៃសៅរ៍ ។នេះបើតាមការចុះផ្សាយរបស់ សារព័ត៌មាន Bangkok Post ចេញផ្សា​យនៅ​ថ្ងៃទី១៧ ខែមករា ឆ្នាំ២០២២។

 កូនប្រុសច្បងរបស់គាត់ បានធ្វើតេស្តវិជ្ជមានសម្រាប់វីរុស Covid-19 ហើយគាត់មិនបានបង្ហាញ រោគស​ញ្ញាអ្វីទេ ប៉ុន្តែគ្រួសាររបស់គាត់បាន ធ្វើតេស្តរកជំងឺនៅថ្ងៃទី ៩ ខែមករា ហើយវាប្រែជាវិជ្ជមានភ្លាមៗ ។

 លោកស្រី Apisamai Srirangson អ្នកនាំពាក្យរបស់មជ្ឈមណ្ឌល សម្រាប់ការគ្រប់គ្រងស្ថានភាព Cov​id-19 បាននិយាយថា អ្នកស្លាប់ដំបូង កាលពីថ្ងៃពុធសប្តាហ៍មុន ដែលទាក់ទងនឹង Omicron ក៏ជា​ស្ត្រីចំ​ណា​ស់ម្នាក់អាយុ ៨៦ ឆ្នាំនៅឃុំ Klong Hae នៃស្រុក Hat Yai ខេត្ត Songkhla។

 បើតាមរបាយការណ៍ របស់ក្រសួងសុខាភិបាលថៃ នៅថ្ងៃចន្ទ ទី១៧ ខែមករា ឆ្នាំ២០២២នេះ រកឃើញ​ករណីឆ្លងជំងឺ COVID-19 ថ្មីៗចំនួន ៦,៩២៩ករណីបន្ថែមទៀត ក្នុងរយៈពេល ២៤ម៉ោង​ចុងក្រោ​យ​នេះខណៈអ្នកជំងឺចំនួន ៥,២៥៥នាក់ផ្សេងទៀត ត្រូវបានអនុញ្ញាតឱ្យចាកចេញពីមន្ទីរពេទ្យ ក្រោយជា​សះស្បើយ។

 គួរបញ្ជាក់ថា រហូតមកទល់ពេលនេះ ប្រទេសថៃបានកត់ត្រានូវករណីឆ្លងជំងឺកូវីដ១៩ សរុបនៅ​ទូទាំ​ងប្រ​ទេសចំនួន ២,៣៣១,៤១៤ករណី ក្នុងនោះមានអ្នកស្លាប់ ២១,៩៤១នាក់ និងអ្ន​កជា​សះស្បើ​យ​ឡើងវិញគឺជាង ២.២២លាននាក់។ គិតត្រឹមពេលនេះ ថៃបានចាក់វ៉ាក់សាំងបង្ការជំងឺ COVID-19 សរុប ១១០.២៤លានដូស ក្នុងនោះប្រជាជន ៤៨.២៤លាននាក់ (៦៨.៩៧% នៃចំនួនប្រជាជនសរុប) បានទទួលការចាក់គ្រប់ដូស៕SP