អ៊ុយក្រែន៖ អ្នកជំនួញដែលមានជាងគេបំផុតរបស់អ៊ុយក្រែនម្នាក់ត្រូវបានសម្លាប់ជាមួយប្រពន្ធរបស់គាត់នៅក្នុងការបាញ់ផ្លោងរុស្ស៊ី "ដ៏ធំ" នៃទីក្រុង Mykolaiv ភាគខាងត្បូង។នេះបើតាមការចេញផ្សាយដោយសារព័ត៌មាន រ៉យទ័រនៅថ្ងសទី១ ខែសីហា ឆ្នាំ២០២២។
មន្ត្រីក្នុងតំបន់បាននិយាយថា Oleksiy Vadatursky អាយុ 74ឆ្នាំ និងប្រពន្ធរបស់គាត់ Raisa បានស្លាប់នៅពេលដែលកាំជ្រួចបានវាយប្រហារផ្ទះរបស់ពួកគេពេញមួយយប់។ លោក Vadatursky គ្រប់គ្រងក្រុមហ៊ុន Nibulon ដែលជាក្រុមហ៊ុនដែលពាក់ព័ន្ធនឹងការនាំចេញគ្រាប់ធញ្ញជាតិ គាត់ក៏បានទទួលពានរង្វាន់ "វីរៈបុរសនៃអ៊ុយក្រែន" ផងដែរ។
ប្រធានាធិបតីអ៊ុយក្រែនលោក Volodymyr Zelensky បានពណ៌នាការស្លាប់របស់លោក Vadatursky ថាជាការបាត់បង់ដ៏ធំ។អភិបាលក្រុង Mykolaiv លោក Oleksandr Senkevych បាននិយាយថា វាប្រហែលជាការទម្លាក់គ្រាប់បែករបស់រុស្ស៊ីដ៏ធ្ងន់បំផុតនៅក្នុងទីក្រុងរហូតមកដល់ពេលនេះ។
ទីតាំង Mykolaiv ស្ថិតនៅលើផ្លូវសំខាន់ទៅកាន់ Odesa ដែលជាកំពង់ផែដ៏ធំបំផុតរបស់អ៊ុយក្រែននៅលើសមុទ្រខ្មៅ ហើយត្រូវបានវាយប្រហារម្តងហើយម្តងទៀតចាប់តាំងពីប្រទេសរុស្ស៊ីបានបើកការឈ្លានពានរបស់ខ្លួននៅថ្ងៃទី ២៤ ខែកុម្ភៈ៕SP
