វៀតណាម៖ តួលេខអ្នកបាត់បង់ជីវិត ដោយសារព្យុះទីហ្វុង Bualoi បានបន្តកើនដល់១១នាក់ ខណៈ មនុស្សជាង ២៨៥ ០០០នាក់ ត្រូវបានជម្លៀសខ្លួនទៅទីតាំងមានសុវត្ថិភាព។នេះបើតាមការចេញផ្សាយដោយ ទីភ្នាក់ងារព័ត៌មាន AFP។
មុនការមកដល់នៃព្យុះទីហ្វុង Bualoi រដ្ឋាភិបាលវៀតណាមបានជម្លៀស ខណៈជើងហោះហើររាប់រយត្រូវបានលុបចោល ឬពន្យារពេល និងបិទអាកាសយានដ្ឋានចំនួន៤ នៅក្នុងខេត្តភាគកណ្តាល។ព្យុះBualoi បានឆ្លងព្រំដែនវៀតណាម ចូលទៅក្នុងប្រទេសឡាវផ្នែកខាងលើប្រហែល ៥០ គីឡូម៉ែត្រពីព្រំដែននៅម៉ោង ១ រសៀលថ្ងៃចន្ទនេះ ជាមួយល្បឿនខ្យល់៣៩ទៅ៦១គីឡូម៉ែត្រក្នុងមួយម៉ោង។
សូមជម្រាបជូនថា កម្លាំងខ្យល់ព្យុះ បានធ្វើឱ្យប៉ើងដំបូលចំណតរថយន្តដែលប្រក់ដោយស័ង្កសីនៅ Ha Tinh បាក់គ្របលើរថយន្ត រលកទឹកសមុទ្រធំៗ និងជំនោរខ្ពស់បានបោកបក់ចូលផ្ទះប្រជាពលរដ្ឋ ធ្វើឱ្យខូចខាតទ្រព្យសម្បត្តិមួយចំនួន។ គ្រាន់តែចំហាយព្យុះ បាននាំមកនូវភ្លៀងធ្លាក់យ៉ាងខ្លាំង នៅទូទាំងខេត្តចាប់ពី Thanh Hoa ដល់ទី Da Nangប្រទេសវៀតណាម តាំងពីថ្ងៃអាទិត្យមកម៉្លេះ។ វៀតណាមបានជម្លៀសមនុស្សចេញពីតំបន់ឆ្នេរជិត៣ម៉ឺននាក់ តាំងពីមុនព្យុះមកដល់ នៅថ្ងៃអាទិត្យទី២៨ខែកញ្ញាឆ្នាំ២០២៥៕
