ឥណ្ឌូនេស៊ី៖ ប៉ូលិសឥណ្ឌូណេស៊ីបានកំណត់អត្តសញ្ញាណបុគ្គលប្រមាណជិត ១.០០០នាក់ ដែលត្រូវ​បានសង្ស័យថាមានជាប់ពាក់ព័ន្ធក្នុងការតវ៉ាដ៏ហិង្សាមួយកាលពីខែមុននៅទូទាំងប្រទេស។

លោកឧត្តមសេនីយ៍ (Syahar Diantono​ប្រធានទីភ្នាក់ងារស៊ើបអង្កេតឧក្រិដ្ឋកម្ម​នគរបាលជាតិ​ឥណ្ឌូណេ​ស៊ី បាន​និយាយថា មនុស្សចំនួន ៩៣៦នាក់ រួមទាំងអនីតិជនចំនួន ២៩៥នាក់ ត្រូវបានដាក់ឈ្មោះជាជនសង្ស័យពាក់ព័ន្ធនឹងការតវ៉ាដ៏ហិង្សាមួយកាលពីខែមុន។ នេះបើយោងតាមកាសែត The Jakarta Globe បានចេញផ្សាយ។

យ៉ាងហោចណាស់មនុស្ស ២០នាក់ត្រូវបានសម្លាប់ និងរាប់សិបនាក់ទៀតរងរបួស រួមទាំងមន្រ្តីប៉ូលិសផងដែរនៅក្នុងអំឡុងពេលនៃការតវ៉ានោះដែលដំបូងឡើយបានចាប់ផ្តើមនៅក្នុងការប្រឆាំងទៅនឹងការស្នើសុំដំឡើងប្រាក់ឧបត្ថម្ភរបស់សមាជិកសភា។ ស្ថានការណ៍កាន់តែតានតឹងឡើង បន្ទាប់ពីអ្នករត់ម៉ូតូឌុបម្នាក់ត្រូវបានរថយន្តពាសដែករបស់ប៉ូលិសពាសដែកបានបុកស្លាប់នៅក្នុងទីក្រុងហ្សាកាតាកាលពីថ្ងៃទី២៨ ខែសីហា ឆ្នាំ២០២៥ ដែលបង្កឱ្យមានកុបកម្មនៅក្នុងខេត្តមួយចំនួនទៀត។

នៅទីក្រុងហ្សាកាតា ក្រុមបាតុករបានដុតស្ថានីយ៍ប៉ូលិស និងអគាររដ្ឋាភិបាល បំផ្លាញយានយន្តរាប់សិបគ្រឿង កម្ទេចប៉ុស្តិ៍យាមល្បាត និងមន្ត្រីជាច្រើនរងរបួសដោយការគប់ដុំថ្ម៕