តេហេរ៉ង់៖ យ៉ាងហោចណាស់មនុស្ស៥នាក់បានស្លាប់ និងរាប់សិបនាក់ផ្សេងទៀតបានរងរបួស បន្ទាប់ពីគ្រោះរញ្ជួយដីយ៉ាងតិចបីដែលមានកម្រិតបឋមជាងប្រាំមួយរ៉ិចទ័របានវាយប្រហារខេត្ត Hormozgan ភាគខាងត្បូងប្រទេសអ៊ីរ៉ង់។នេះបើតាមការចេញផ្សាយដោយសារព័ត៌មានAljazeeraនៅថ្ងៃទី ៣ ខែកក្កដា ឆ្នាំ២០២២។

លោក Yaqoub Soleimani អគ្គលេខាធិការនៃសេវាជំនួយសង្គ្រោះអឌ្ឍចន្ទក្រហមក្នុងតំបន់ បានប្រាប់ប្រព័ន្ធផ្សព្វផ្សាយរដ្ឋអ៊ីរ៉ង់ថា ប្រតិបត្តិការស្វែងរក និងជួយសង្គ្រោះបានបញ្ចប់ហើយ ហើយមិនមានអ្នកស្លាប់និងរបួសផ្សេងទៀត។ការរញ្ជួយដ៏ខ្លាំងបំផុតចំនួនពីរត្រូវបានកត់ត្រាក្នុងកម្រិត 6.3 រ៉ិចទ័រ ប៉ុន្តែ កន្លែងដែលមានកម្លាំង រញ្ជួយដីកម្រិត ៦.១ មានអ្នកស្លាប់បាត់បង់ជីវិតជារ៉ិចទ័រដំបូងនៅជម្រៅប្រហែល ១០គីឡូម៉ែត្រ ។

វីដេអូនៅលើប្រព័ន្ធផ្សព្វផ្សាយសង្គម និងវីដេអូដែលចាក់ផ្សាយដោយទូរទស្សន៍រដ្ឋបានបង្ហាញផ្ទះត្រូវបានបំផ្លាញក្នុងភូមិមួយចំនួនក្នុងនោះផងដែរ ភូមិរាប់សិបក៏បាត់បង់ថាមពលអគ្គីសនីមួយរយៈខ្លីដែរ។

គួររំលឹកថា កាលពីខែមេសាឆ្នាំមុន ការរញ្ជួយដីកម្រិត ៥.៩ រ៉ិចទ័របានវាយប្រហារ Bushehr ជាកន្លែងដែលរោងចក្រថាមពលនុយក្លេអ៊ែរដ៏សំខាន់មួយស្ថិតនៅ ប៉ុន្តែវាមិនបណ្តាលឱ្យខូចខាតច្រើននោះទេ។ដោយឡែកនៅខេត្ត Kerman ភាគអាគ្នេយ៍នៃប្រទេសអ៊ីរ៉ង់ ការរញ្ជួយដីកម្រិត ៦.៦ រ៉ិចទ័រ បានសម្លាប់មនុស្សជាង ៣១.០០០ នាក់ និងបានធ្វើឱ្យទីក្រុងបុរាណ Bam រាបស្មើក្នុងឆ្នាំ ២០០៣៕SP