ចិន៖ លោកស្រី ម៉ៅ នីង (Mao Ning) អ្នកនាំពាក្យក្រសួងការបរទេសចិនបាននិយាយនៅក្នុង​សន្និសីទ​សារព័ត៌មានកាលពីថ្ងៃព្រហស្បតិ៍ទី ១៥ ខែកញ្ញាថា ប្រសិនបើច្បាប់នេះនៅតែបន្តទៅមុខ វានឹងប៉ះពា​ល់ដល់ទំនាក់ទំនងរវាងសហរដ្ឋអាម៉េរិក និងចិន។ នេះបើតាមការចេញផ្សាយដោយសារព័ត៌មាន BBC នៅថ្ងៃទី ១៦ខែកញ្ញា ឆ្នាំ២០២២។

លោកស្រីក៏បានពណ៌នាអំពីច្បាប់ថ្មីរបស់សហរដ្ឋអាម៉េរិកថា ជាការបញ្ជូនសញ្ញាមិនពិតដល់កង​កម្លាំង​ផ្តា​​ច់ខ្លួននៃរដ្ឋឯករាជ្យតៃវ៉ាន់។ លោកស្រីបានថ្លែងយ៉ាងដូ​ច្នេះថា​៖«ទីក្រុងប្រឆាំ​ងយ៉ាងម៉ឺង​ម៉ាត់ចំ​ពោះ​រឿង​នេះ​ ហើយបានបង្ហាញការមិនពេញចិត្តយ៉ាងពេញទំហឹងចំពោះភាគីអាម៉េរិកថា ពិភព​លោក​នេះ​មានប្រទេសចិនតែមួយប៉ុណ្ណោះ ហើយថាតៃវ៉ាន់គឺជាទឹកដីរបស់ចិន។ ទីក្រុងប៉កាំង​នឹងប​ន្តជំរុញ​ការ​បង្រួ​​បបង្រួមប្រទេសពេញលេញឡើងវិញ»។ 

ទោះបីជាយ៉ាងនេះក្ដី នៅក្រោមច្បាប់នេះ ទីក្រុងវ៉ាស៊ីនតោននឹងនៅតែមិនទទួលស្គាល់តៃវ៉ាន់ជាលក្ខ​ណៈការទូតដដែល។ ប៉ុន្តែ​ច្បាប់​ថ្មី​នេះ​នឹង​កាត់​បន្ថយ​បញ្ហាប្រឈម​ជា​ច្រើន​ដែល​មាន​ស្រាប់ និងដើម្បី​កុំ​ឱ្យ​ចិន​ខឹងសម្បារ​ប្រសិនបើទីក្រុងវ៉ាស៊ីនតោន បញ្ជាក់​ពី​ការ​ទទួល​ស្គាល់របស់ខ្លួន។

ច្បាប់នេះក៏នឹងចាត់តាំងតៃវ៉ាន់ជា «សម្ព័ន្ធមិត្តសំខាន់មិនមែនជាសមាជិកអង្គការណាតូ» ដែលជា​ឋានៈ​ស​​ម្រាប់ដៃគូយោធាដ៏ជិតស្និទ្ធបំផុតរបស់សហរដ្ឋអាម៉េរិក នៅខាងក្រៅសម្ព័ន្ធភាពអាត្លង់ទិក។ បន្ថែមពី​លើកា​រផ្ដល់មូលនិធិចំនួន ៤,៥ ពាន់លានដុល្លារដល់តៃវ៉ាន់ ច្បាប់នេះនឹងអនុ​ញ្ញាតឱ្យមា​នការធា​នា​ប្រាក់​​កម្ចីចំនួន ២ ពាន់លានដុល្លារសម្រាប់តៃវ៉ាន់ ដើម្បីទិញសព្វាវុធរបស់សហរដ្ឋអាម៉េរិក៕SP