លោក ពូទីន នឹងបំពេញទស្សនកិច្ច នៅប្រទេសចំនួន៣ គឺប្រទេសបេឡារុស ប្រទេសតាហ្ស៉ីគីស្ថាន និងតួកម៉េនីស្ថាន ចាប់តាំងពីផ្ទុះសង្រ្គាមអ៊ុយក្រែន
(រុស្ស៊ី)៖ ប្រធានាធិបតីរុស្ស៉ី លោក វ្ល៉ាឌីមៀ ពូទីន នឹងបំពេញទស្សនកិច្ចទៅកាន់ប្រទេសចំនួន ២ គឺប្រទេស បេឡារុស ប្រទេសតាហ្ស៉ីគីស្ថាន និងតួកម៉េនីស្ថាន ។នេះបើតាមការចេញផ្សាយដោយសារព៍ត៌មានAljazeeraនៅថ្ងៃទី២៧ ខែមិថុនា ឆ្នាំ២០២២។
លោក ប៉ាវែល ហ្សារូប៊ីន (Pavel Zarubin) ជាអ្នកឆ្លើយឆ្លងព័ត៌មានប្រចាំវិមានក្រឹមឡាំង បានឱ្យដឹងថា លោក ពូទីន មានគម្រោងបំពេញទស្សនកិច្ចទៅកាន់ ទីក្រុង ក្រូដណូ (Grodno) នៃប្រទេសបេឡារុសផងដែរ នៅថ្ងៃទី៣០ ខែមិថុនា ហើយនៅថ្ងៃទី១ ខែកក្កដា ប្រធានាធិបតីរុស្ស៉ីរូបនេះនឹងចូលរួម ក្នុងវេទិកាមួយជាមួយលោកប្រធានាធិបតីបេឡារុស អាឡិចហ្សាន់ឌឺ លូកាស់ឈិនកូ។
បន្តមក លោក ពូទីន នឹងបំពេញទស្សនកិច្ចទៅកាន់ប្រទេសតាហ្ស៉ីគីស្ថាន និងតួកម៉េនីស្ថាន ហើយក្រោយមក លោកនឹងត្រូវជួបពិភាក្សាការងារ ជាមួយប្រធានាធិបតីឥណ្ឌូណេស៊ី លោក ចូ កូ វីដូដូ ក្នុងទីក្រុងមូស្គូ។
គួរបញ្ជាក់ថា ដំណើរទស្សនកិច្ចលើកចុងក្រោយបង្អស់នៅក្រៅប្រទេសរបស់លោក ពូទីន មុនប្រកាសសង្គ្រាមជាមួយអ៊ុយក្រែននោះ គឺដំណើរទស្សនកិច្ចក្នុងទីក្រុងប៉េកាំង កាលពីដើមខែកុម្ភៈ ជាពេលដែលលោកបានជួបពិភាក្សាជាមួយលោកប្រធានាធិបតី ស៊ី ជិនពីង៕SP
