រុស្ស៊ី៖ សភារុស្ស៊ីបានអនុម័តច្បាប់មួយកាលពីថ្ងៃពុធ ដើម្បីលុបចោលការកំណត់អាយុ សម្រាប់ការបម្រើតាមកិច្ចសន្យាក្នុងជួរកងទ័ព ចំពេលមានការខាតបង់យ៉ាងធ្ងន់ធ្ងរនៅអ៊ុយក្រែន។ នេះបើយោងតាមការចេញផ្សាតយដោយ សារព័ត៌មាន Reuters នៅថ្ងៃពុធ ទី២៥ ខែឧសភា ឆ្នាំ២០២២។
អ្នកនាំពាក្យសភាឌូម៉ា លោក Vyacheslav Volodin បាននិយាយថា «ថ្ងៃនេះយើងត្រូវតែពង្រឹងកងកម្លាំងប្រដាប់អាវុធ និងជួយក្រសួងការពារជាតិ។ មេបញ្ជាការកំពូលរបស់យើង កំពុងធ្វើអ្វីគ្រប់យ៉ាងដើម្បីធានាថា កងកម្លាំងប្រដាប់អាវុធរបស់យើងឈ្នះ ហើយយើងត្រូវតែជួយ»។
បច្ចុប្បន្ននេះមានតែជនជាតិរុស្ស៊ីដែលមានអាយុចន្លោះពី ១៨ទៅ ៤០ឆ្នាំ និងជនបរទេសដែលមានអាយុចន្លោះពី ១៨ទៅ៣០ឆ្នាំប៉ុណ្ណោះ ដែលអាចចុះឈ្មោះជាទាហានអាជីពនៅក្នុងយោធារុស្ស៊ីបាន។
សូមបញ្ជាប់ថា បើតាមការឱ្យដឹងពីក្រសួងការពារជាតិថាទាហានរុស្ស៊ីចំនួន ១,៣៥១នាក់ ត្រូវបានសម្លាប់ និង ៣,៨២៥នាក់បានរងរបួសចាប់តាំងពីទីក្រុងមូស្គូ បានបញ្ជូនកងកម្លាំងប្រដាប់អាវុធរបស់ខ្លួនចូលទៅក្នុងប្រទេសអ៊ុយក្រែនកាលពីថ្ងៃទី ២៤ខែកុម្ភៈ។ ប៉ុន្តែតួលេខចុងក្រោយ មិនត្រូវបានធ្វើបច្ចុប្បន្នភាពនៅឡើយទេ៕SP
