កូរ៉េខាងត្បូង៖ ទីភ្នាក់ងារសារព័ត៌មានយ៉ុនហាប់ រាយការណ៍នៅថ្ងៃពុធនេះថា ប្រទេសកូរ៉េខាងត្បូងនឹងបញ្ចប់ច្បាប់លើការធ្វើតេស្តរកជំងឺកូវីដ ១៩ មុនចេញដំណើរទៅអន្តរជាតិ និងសម្រាប់អ្នកធ្វើដំណើរមកកាន់ប្រទេសខ្លួន ដោយចាប់ផ្តើមពីថ្ងៃសៅរ៍នេះតទៅ។
កូរ៉េខាងត្បូង បានដកការរឹតបន្តឹងទាក់ទងនឹងជំងឺរាតត្បាតភាគច្រើនរបស់ខ្លួននៅក្នុងខែឧសភា ប៉ុន្តែបានរក្សាវិធានការព្រំដែនដ៏តឹងរ៉ឹងបំផុតមួយចំនួនក្នុងចំណោមប្រទេសសេដ្ឋកិច្ចធំៗ ដោយតម្រូវឱ្យអ្នកធ្វើដំណើរក្នុងប្រទេសបង្ហាញលទ្ធផលតេស្តមេរោគឆ្លងអវិជ្ជមានដែលបានធ្វើឡើងមុនពេលចេញដំណើរ។
គួររំលឹកថា ការឆ្លងជំងឺកូវីដ ១៩ ប្រចាំថ្ងៃនៅក្នុងប្រទេសបាននឹងកំពុងកើនឡើងប្រមាណ ១០០.០០០ ករណី ក្នុងប៉ុន្មានសប្តាហ៍ថ្មីៗនេះ បន្ទាប់ពីកើនឡើងដល់ជាង ១៨០.០០០ ករណី នៅពាក់កណ្តាលខែសីហា។ NR
