អាមេរិកបាន លុបចោលជើងហោះហើរទូទាំងប្រទេសជាង២០០០ នៅថ្ងៃចូលឆ្នាំថ្មី បន្ទាប់ពីបុគ្គលិកក្រុមហ៊ុនអាកាសចរណ៍ឆ្លងកូវីដ១៩ និងអាកាសធាតុមិនល្អ
អាមេរិក៖ករណី ឆ្លងថ្មីCOVID-19 ក្នុងចំណោមបុគ្គលិកក្រុមហ៊ុនអាកាសចរណ៍ បូករួមទាំងលក្ខខណ្ឌអាកាសធាតុមិនល្អ បណ្តាលឱ្យមានការលុបចោលជើងហោះហើរទូទាំងប្រទេសចំនួន ២៥៨១ គិតត្រឹមម៉ោង ៤ រសៀល។ នៅអាកាសយានដ្ឋានO'HareនិងMidwayទីក្រុងChicagoរបស់អាមេរិក បានលុបចោលជើងហោះហើរច្រើនជាង១,០០០ជើង។ នេះបើយោងតាម Flight Aware កាលពីថ្ងៃសៅរ៍។
ក្រុមហ៊ុនអាកាសចរណ៍ធំៗដូចជាDelta,UnitedនិងJetBlue សុទ្ធតែបានបន្ទោសទៅលើមេរោគកូវីដ-១៩បំប្លែងថ្មីប្រភេទអូមីក្រុង ដែលជាដើមហេតុធ្វើឱ្យមានការលុបនិងពន្យារជើងហោះហើរ។ បន្ទោសទៅលើមេរោគរាតត្បាតនេះ ដោយសារតែបុគ្គលិករបស់ពួកគេជាប់ធ្វើចត្តាឡីស័ក បន្ទាប់បីបានប៉ះពាល់នឹងអ្នកវិជ្ជមានជំងឺកូវីដ។
បើតាមអ្នកជំនាញរបស់អាមេរិក បានសន្និដ្ឋានកាលពីពេលថ្មីៗនេះថា ករណីឆ្លងដែលជំរុញដោយអូមីក្រុងនឹងកើនឡើងខ្លាំងនៅចុងខែមករាឆ្នាំ២០២២នេះ។សហរដ្ឋអាមេរិកកំពុងតែប្រឈមនឹងការកើនឡើងនៃករណីឆ្លងដែលជំរុញដោយវីរុសកូវីដ-១៩បំប្លែងថ្មីប្រភេទអូមីក្រុង។ ករណីឆ្លងបានរកឃើញកាន់តែច្រើននៅទីក្រុងញូវយ៉ក បើទោះបីជាក្នុងក្រុងមួយនេះ មានអត្រាចាក់វ៉ាក់សាំងខ្ពស់ហើយក៏ដោយ ប៉ុន្តែមិនទាន់ឃើញមានការចូលសម្រាកក្នុងមន្ទីរពេទ្យច្រើននៅឡើយទេ។
យ៉ាងណា ការរំខានដល់ជើងយន្តហោះនេះ មួយផ្នែកទៀតដោយសារតែព្រិលធ្លាក់ខ្លាំង បានវាយប្រហារកណ្តាលសហរដ្ឋអាមេរិក។ នៅថ្ងៃអាទិត្យ នៅពេលដែលមនុស្សជាច្រើនត្រឡប់មកផ្ទះវិញបន្ទាប់ឈប់សម្រាកថ្ងៃបុណ្យណូអែល ទំនងជានឹងនាំមកនូវការរំខានបន្ថែមទៀត ជាមួយនឹងការព្យាករណ៍ពីព្រិលនិងខ្យល់ខ្លាំង៕SP
អត្ថបទទាក់ទង
-
ក្រសួងសុខាភិបាលរកឃេីញជំងឺកូវីដ-១៩ចំនួន៤ករណីថ្មីទៀតសរុបទាំងអស់នៅកម្ពុជាចំនួន១០២នាក់
-
សេចក្តីប្រកាសរបស់ក្រសួងសុខាភិបាល
-
ចូលរួមអបអរសាទរ នៅព្រឹកនេះក្រសួងសុខាភិបាលរកឃើញអ្នកជាសះស្បើយពីកូវីដ១៩ មានចំនួន១៥នាក់បន្ថែមទៀត
