Man Utd និង Everton ជួបការខកចិត្តដូចគ្នា ខណៈ Aubameyang ស៊ុតហែកទ្រីត ជួយ Arsenal យកបាន៣ពិន្ទុពីក្រុម Leeds United
3 ឆ្នាំ មុន
អង់គ្លេស ៖ Man United មានឱកាសក្នុងការកាត់បន្ថយពិន្ទុនាំមុខរបស់ក្រុម Man City មកនៅត្រឹម៥ពិន្ទុ ប៉ុន្តែ បានភ្លាត់ស្មៀកស្មើគ្នាក្នុងលទ្ធផល ១-១ នៅលើទឹកដីក្រុមកៀតបាតតារាង West Bromwich Albion។
ដោយឡែក ក្រុម Everton ក៏បានខ្ជះខ្ជាយឱកាសក្នុងការតាមស្មើពិន្ទុជាមួយនឹងក្រុមស្ថិតក្នុងទីក្រុងតែមួយ Liverpool ក្រោយពីបានលេងការប្រកួតតិចជាង២លើក ប៉ុន្តែ បានរងបរាជ័យក្នុងលទ្ធផល ២-០ លើទឹកដីខ្លួនឯងក្រោមស្នាដៃក្រុម Fulham។
ទោះបីជាយ៉ាងណា ក្រុម Arsenal បានឡើងឈរនៅពាក់កណ្តាលតារាងវិញ ក្នុងចំណាត់ថ្នាក់លេខ១០ ខណៈដែលខ្សែប្រយុទ្ធ Pierre-Emerick Aubameyang បានអបអរការចូលលេងក្នុងជម្រើសដំបូងជាលើកទី១របស់គេ ក្រោយពីការអវត្តមានដោយសារតែហេតុផលផ្ទាល់ខ្លួន តាមរយៈការស៊ុតបាល់បញ្ចូលទី៣គ្រាប់ ក្នុងពេលក្រុមខ្លួនទទួលជ័យជម្នះ ៤-២ លើក្រុម Leeds United។
