អាមេរិក៖ ប្រធានាធិបតីបៃដិនបានចុះចតនៅរដ្ឋដេឡាវ៉ារ ដើម្បីចូលរួមជាមួយក្រុមគ្រួសារសមាជិកយោធាអាមេរិកទាំង ១៣ នាក់ដែលត្រូវបានសម្លាប់ក្នុងការបំផ្ទុះគ្រាប់បែកកាលពីសប្តាហ៍មុននៅអាហ្វហ្គានីស្ថាន។។នេះបើយោងតាមសេចក្ដីរាយការណ៍មុននេះបន្តិចដោយទីភ្នាក់ងារសារព័ត៌មាន Rueters៕

យោធាអាមេរិកត្រូវបានសម្លាប់នៅឯអាកាសយានដ្ឋានក្នុងទីក្រុងកាប៊ុលរដ្ឋធានីអាហ្វហ្គានីស្ថានដោយអ្នកបំផ្ទុះគ្រាប់បែកពីក្រុម Khorasan នៃក្រុមរដ្ឋអ៊ីស្លាមខណៈដែលពួកគេព្យាយាមជួយមនុស្សឱ្យរត់គេចពីប្រទេសនេះមុនពេលកងទ័ពអាមេរិកបញ្ចប់ការដកទ័ពរបស់ពួកគេ។

គួរបញ្ជាក់ថា កងទ័ព ១៣ នាក់ដែលបានស្លាប់នៅទីក្រុងកាប៊ុលគឺជាសមាជិកសេវាកម្មអាមេរិកដំបូងគេដែលត្រូវបានសម្លាប់នៅក្នុងប្រទេសអាហ្វហ្គានីស្ថានចាប់តាំងពីខែកុម្ភៈឆ្នាំ ២០២០។ RT