ម៉ានីល៖ យ៉ាងហោចណាស់មនុស្ស ៧៥នាក់ ត្រូវបានគេរាយការណ៍ថា បានបាត់បង់ជីវិត នៅក្នុងព្យុះទីហ្វុងដ៏ខ្លាំងបំផុត ដែលបានបោកបក់មកលើប្រទេសហ្វីលីពីន ក្នុងឆ្នាំនេះ នេះបើយោងតាមតួលេខផ្លូវការ បានបង្ហាញនៅថ្ងៃអាទិត្យ ទី១៩ ខែធ្នូ ខណៈដែលកិច្ចខិតខំប្រឹងប្រែង ដើម្បីបញ្ជូនទឹក និងស្បៀងអាហារ ទៅកាន់កោះដែលត្រូវបានបំផ្លិចបំផ្លាញ បានកើនឡើង។ នេះបើយោងតាមការចុះផ្សាយដោយទីភ្នាក់ងារសារព័ត៌មាន CNA នៅថ្ងៃទី១៩ ធ្នូ ២០២១៕

មនុស្សជាង 300,000 នាក់បានភៀសខ្លួនចេញពីផ្ទះសម្បែង និងរមណីយដ្ឋានមាត់សមុទ្ររបស់ពួកគេ ខណៈដែលព្យុះទីហ្វុង Rai បានវាយលុកតំបន់ភាគខាងត្បូង និងកណ្តាលនៃប្រជុំកោះនេះ។

ខ្យល់ព្យុះនេះបានផ្តាច់ទំនាក់ទំនង និងចរន្តអគ្គិសនីនៅក្នុងតំបន់ជាច្រើន ធ្វើឲ្យបាក់ដំបូល និងបង្គោលភ្លើងបេតុង។

គួររម្លឹកផងដែរថា ប្រទេសហ្វីលីពីន  ជាប់ចំណាត់ថ្នាក់ជាប្រទេសងាយរងគ្រោះបំផុតមួយរបស់ពិភពលោកចំពោះផលប៉ះពាល់នៃការប្រែប្រួលអាកាសធាតុ ។ ត្រូវបានវាយប្រហារដោយព្យុះ និងព្យុះទីហ្វុងចំនួន 20 ជារៀងរាល់ឆ្នាំ ដែលជាធម្មតាបំផ្លាញការប្រមូលផល ផ្ទះសម្បែង និងហេដ្ឋារចនាសម្ព័ន្ធនៅក្នុងតំបន់ក្រីក្ររួចទៅហើយ។RT