អឺរ៉ុប៖ Cristiano Ronaldo ស៊ុតចូលពីរគ្រាប់ដោយបាល់ប៉េណាល់ទីសម្រាប់ក្រុម Juventus យកឈ្នះលើ Barcelona ហើយឡើងឈរនៅលើកំពូលតារាងនៃពូល G ក្នុងពានរង្វាន់ UEFA Champions League។

ខ្សែប្រយុទ្ធព័រទុយហ្គាល់រូបនេះ បានស៊ុតគ្រាប់បាល់បើកឆាកដោយបាល់ពិន័យ១១ម៉ែត្រ នៅនាទីទី១៣ មុនពេលខ្សែបម្រើវ័យក្មេងសញ្ជាតិអាមេរិក Weston McKennie រកបានគ្រាប់ទី២នៃការប្រកួតនៅនាទីទី២០។

យ៉ាងណាមិញ Ronaldo ស៊ុតប៉េណាល់ទីជាលើកទី២នៅក្នុងការប្រកួត បន្ទាប់ពីអាជ្ញាកណ្ដាលបានផ្ដល់បាល់ពិន័យឱ្យ Juventus ក្រោយដៃរបស់ Clement Lenglet ប៉ះបាល់នៅតំបន់គ្រោះថ្នាក់។

នេះជាបរាជ័យលើកដំបូងរបស់ Barcelona នៅក្នុងវគ្គចែកពូល UCL ចាប់តាំងពីឆ្នាំ ២០១៦ មក ដែលធ្វើឱ្យ Juve ឡើងទៅកំពូលតារាងមាន១៥ពិន្ទុស្មើគ្នា៕