យោងតាមរូបភាពជាច្រើនសន្នឹករបស់ ហ្វេសបុកឈ្មោះ Pol Rider បានបង្ហោះរូបភាពនៃដំណើរផ្សរងព្រេងរបស់ ក្រុមគ្រួសារ ឡាន Offroadកម្ពុជាប្រមាណ៥គ្រឿង​ ដែលបានបើកឡានទាំងនោះឡើងទៅកាន់តំបន់ខ្នងផ្សារ ខ្នងសំពៅ និងខ្នងក្រពើ។ ហ្វេសបុកឈ្មោះ Pol Rider បញ្ជាក់ថានេះគឺជាតំណត់ត្រាថ្មីដែលប្រើរយៈពេល៧ថ្ងៃទៅកាន់តំបន់ទាំងនោះ ។ តាមរយៈភាពជោគជ័យរបស់ក្រុមឡាន Offroad នេះគេឃើញមានទាំងការបញ្ចេញមតិក្នុងន័យចូលរួមអបអរសាទរ និងមតិរិះគន់ផងដែរ។

ដោយឡែកចំពោះអ្នកលេងបណ្តាញសង្គមដែលបញ្ចេញមតិរិះគន់ បានបង្ហាញពីក្តីបារម្ភផ្សេងៗពីគ្នាចំពោះសកម្មភាពបើកឡានធំៗទាំងនោះដែលអាចធ្វើឲ្យខូ​ចស្មៅ ឬខូចផ្លូវ ដែលអាចធ្វើឲ្យបាត់បង់សោភ័ណភាពដើមនៃតំបន់ទាំងនោះ ។

ទោះយ៉ាងណាម្ចាស់ហ្វេសបុក Pol Rider បានសរសេរឆ្លើយតបស្មៅមិនខូចទេវាគ្រាន់តែមានស្នាមកង់បន្តិចបន្តួច ហើយវានឹងលាស់វិញដូចដើមក្នុង ២ ៣ ថ្ងៃបន្ទាប់៕ ដោយPP