យោងតាមទំព័រហ្វេសបុកអគ្គិសនីកម្ពុជាបាន នៅល្ងាចថ្ងៃទី២៥ ខែមិថុនា ឆ្នាំ២០២០នេះ សត្វសារិកាកែវមួយក្បាលបានធ្វើឱ្យអ្នកភ្នំពេញ៤ សង្កាត់ និង១ភូមិ ក្នុងខេត្តកណ្តាលអត់ភ្លើងប្រើ។ ប្រភពដដែលបានផ្តល់ព័ត៌មានបន្ថែមថា ករណីដាច់ចរន្តអគ្គិសនីពីអនុស្ថានីយទី៧ (GS7-F9) មូលហេតុដោយសារមានសត្វសារិកាកែវប៉ះខ្សែបណ្ដាញតង់ស្យុងមធ្យម(MV) ដែលបណ្តាលឲ្យដាច់ចរន្តអគ្គិសនីនៅតំបន់មួយចំនួនស្ថិតនៅ៖ (១)ផ្លូវជាតិលេខ១ សង្កាត់វាលស្បូវ (២)សង្កាត់ក្បាលកោះ (៣) សង្កាត់ព្រែកឯង (៤) សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ (៥)ភូមិទួលក្របៅ ឃុំគគី ស្រុកកៀនស្វាយ ខេត្តកណ្ដាល។ ក្រុមការងារបច្ចេកទេសបានធ្វើការពិនិត្យ និងភ្ជាប់ចរន្តជូនអតិថិជនឲ្យមានចរន្តប្រើប្រាស់ឡើងវិញនៅវេលាម៉ោង ១៥:២៩នាទីរសៀលថ្ងៃទី២៥ ខែមិថុនានេះ៕ដោយSS