មនុស្សចំនួន៤នាក់ រួមមានអតីតសមាជិកសភាត្រូវបានកាត់ទោសប្រហារជីវិត នឹងត្រូវធ្វើការព្យួរកតាមនិតិវិធីរបស់ពន្ធនាគារ
ភូមា៖ របបយោធាមីយ៉ានម៉ានឹងប្រហារជីវិតអតីតសមាជិកគណបក្សរបស់មេដឹកនាំស៊ីវិល លោកស្រី អ៊ុងសាន ស៊ូជី និងសកម្មជនប្រជាធិបតេយ្យដ៏លេចធ្លោម្នាក់ទៀត ដែលអ្នកទាំងពីរត្រូវបានកាត់ទោសពីបទភេរវកម្ម ដែលវាគឺជាការប្រហារជីវិតលើកដំបូងរបស់មីយ៉ានម៉ា ចាប់តាំងពីឆ្នាំ១៩៩០មក។ នេះបើយោងតាមការបញ្ជាក់របស់អ្នកនាំពាក្យប្រាប់ទីភ្នាក់ងារសារព័ត៌មាន AFP កាលពីថ្ងៃសុក្រ ទី៣ ខែមិថុនា។
មនុស្សចំនួន៤នាក់ រួមមានអតីតសមាជិកសភាគឺលោក Phyo Zeya Thaw និងសកម្មជនប្រជាធិបតេយ្យលោក Ko Jimmy ដែលត្រូវបានកាត់ទោសប្រហារជីវិត នឹងត្រូវធ្វើការព្យួរកតាមនិតិវិធីរបស់ពន្ធនាគារ។
របបយោធាមីយ៉ានម៉ា បានកាត់ទោសប្រហារជីវិតសកម្មជនប្រឆាំងរដ្ឋប្រហារជាច្រើននាក់ ដែលវាជាផ្នែកមួយនៃការបង្ក្រាបលើការមិនពេញចិត្តការដឹកនាំរបស់ខ្លួន និងការដណ្តើមអំណាចកាលពីឆ្នាំមុន។ នេះជាការប្រហារជីវិតលើកដំបូងហើយក្នុងរយៈពេលជាង៣ទសវត្សរ៍ចុងក្រោយ។
លោក Phyo Zeya Thaw អតីសមាជិកគណបក្សសម្ព័ន្ធជាតិដើម្បីប្រជាធិបតេយ្យ ដែលត្រូវបានចាប់ខ្លួនកាលពីខែវិច្ឆកា ត្រូវបានកាត់ទោសប្រហារជីវិតកាលពីខែមករា ពីបទឧក្រិ.ដ្ឋកម្មយោងតាមច្បាប់ប្រឆាំងប្រឆាំងអំពើភេរកម្ម។ ចំណែកសកម្មជនប្រជាធិបតេយ្យដ៏លេចធ្លោ Ko Jimmy ទទួលបានការកាត់ទោសដូចគ្នាពីសាលាក្តីយោធា៕SP
