មនុស្សស្លាប់៩នាក់ និងជាង១លាននាក់ស្ថិតក្នុងទីជម្រកសុវត្ថិភាព ខណៈព្យុះស៊ីក្លូនវាយប្រហារប្រទេសបង់ក្លាដែស
បង់ក្លាដែស៖ក្រុមមន្ត្រីបង់ក្លាដែសបាននិយាយនៅថ្ងៃអង្គារថា មនុស្សយ៉ាងតិចប្រាំបួននាក់បានស្លាប់ បន្ទាប់ពីព្យុះស៊ីក្លូនបានបោកបក់ចូលប្រទេសបង់ក្លាដែស ដោយបង្ខំឱ្យមានការជម្លៀសប្រជាជនប្រហែលមួយលាននាក់ចេញពីផ្ទះរបស់ពួកគេ។ នេះបើតាមការចេញផ្សាយដោយសារព័ត៌មាន បាងកកប៉ុសិ៍ នៅថ្ងៃទី២៥ ខែតុលា ឆ្នាំ២០២២។
ព្យុះស៊ីក្លូន Sitrang បានបោកបក់នៅភាគខាងត្បូងប្រទេសបង់ក្លាដែសកាលពីល្ងាចថ្ងៃចន្ទ លោកJebun Nahar មន្ត្រីរដ្ឋាភិបាលបានប្រាប់ AFP ថា "មនុស្សប្រាំបួននាក់បានស្លាប់ ភាគច្រើនដោយសារដើមឈើរលំ រួមទាំងបីនាក់មកពីគ្រួសារមួយនៅ (ស្រុកភាគខាងកើត) នៃរដ្ឋCumilla" ។
លេខាធិការក្រសួងគ្រប់គ្រងគ្រោះមហន្តរាយ Kamrul Ahsan បានប្រាប់ AFP ថា ប្រជាជនដែលត្រូវបានជម្លៀសចេញពីតំបន់ទំនាបដូចជាកោះដាច់ស្រយាល និងច្រាំងទន្លេ ក្នុងនោះ ភ្លៀងធ្លាក់ខ្លាំងបានបោកបក់ឆ្លងកាត់ក្រុងជាច្រើនក្នុងនោះមាន ទីក្រុង Dhaka, Khulna និង Barisalជាដើម ។
ក្រុមមន្ត្រីបាននិយាយថា នៅក្នុងរដ្ឋ West Bengal ភាគខាងកើតប្រទេសឥណ្ឌា ដែលនៅជិតខាងនោះ បានឱ្យដឹងថាមនុស្សរាប់ពាន់នាក់ត្រូវបានជម្លៀសកាលពីថ្ងៃចន្ទទៅកាន់មជ្ឈមណ្ឌលសង្គ្រោះជាង ១00 ទីតាំង ប៉ុន្តែមិនមានរបាយការណ៍អំពីការខូចខាតទេ ហើយមនុស្សកំពុងត្រឡប់ទៅផ្ទះវិញផងដែរ នៅថ្ងៃអង្គារនេះ៕SP
