ការរអិលបាក់ដីសម្លាប់មនុស្សយ៉ាងហោចណាស់ ១៤ នាក់ ដែលចូលរួមក្នុងពិធីបុណ្យសពនៅក្នុងរដ្ឋធានីកាមេរូន
កាមេរូន៖ អភិបាលតំបន់បាននិយាយថា ការបាក់ដីនៅរដ្ឋធានី Yaounde របស់ប្រទេសកាមេរូន កាលពីថ្ងៃអាទិត្យ សម្លាប់មនុស្សយ៉ាងហោចណាស់ ១៤នាក់ ដែលកំពុងចូលរួមក្នុងពិធីបុណ្យសព។នេះបើតាមការចេញផ្សាយដោយសារព័ត៌មានAljazeera នៅថ្ងៃទី២៩ ខែវិច្ឆិកា ឆ្នាំ២០២២។
លោក Naseri Paul Bea អភិបាលនៃតំបន់កណ្តាលកាមេរូនប្រាប់ប្រព័ន្ធផ្សព្វផ្សាយនៅកន្លែងកើតហេតុថា "យើងកំពុងដឹកសាកសពទៅកាន់កន្លែងបញ្ចុះសព នៃមន្ទីរពេទ្យកណ្តាល ខណៈដែលរដ្ឋាភិបាលកំពុងធ្វើការស្វែងរកមនុស្សផ្សេងទៀត " ។សាក្សីនៅទីតាំងកើតហេតុបានប្រាប់រ៉យទ័រថា មនុស្សរាប់សិបនាក់បានចូលរួមពិធីបុណ្យសពនៅលើទីលានបាល់ទាត់មួយនៅ នៃទំនប់ទឹកដែលមានកម្ពស់២០ ម៉ែត្រ ដែលបានដួលរលំពីលើពួកគេ។
គួររំលឹកថា ក្នុងឆ្នាំ២០១៩ មនុស្សយ៉ាងហោចណាស់៤២ នាក់បានស្លាប់នៅក្នុងការរអិលបាក់ដីនៅក្នុងភូមិBamoungoum ក្បែរទីក្រុង Bafoussam ភាគខាងលិចប្រទេសកាមេរូន។ជាមួយគ្នានោះមានស្ត្រីមានផ្ទៃពោះ៤នាក់ និងក្មេងស្រីអាយុ១៨ឆ្នាំម្នាក់ ស្ថិតក្នុងចំណោមអ្នកស្លាប់ក្នុងគ្រោះមហន្តរាយនេះ៕
