រុស្ស៊ី៖ ក្រសួងការបរទេសរុស្ស៊ីនៅថ្ងៃព្រហស្បតិ៍នេះបានប្រកាសថា អ្នកការទូតហ្វាំងឡង់ចំនួន ៩នាក់នៅក្រុងម៉ូស្គូ និងនៅស្ថានអគ្គកុងស៊ុលនៅទីក្រុង St. Petersburg ជាបុគ្គល ដែលរុ ស្ស៊ីមិ នអាចទទួលយកបាន "personae non gratae" ដោយហៅចំណាត់ការនេះជាការសងសឹក។ នេះ

ក្រសួងការបរទេសបាននិយាយថា ឯកអគ្គរដ្ឋទូតហ្វាំងឡង់ប្រចាំនៅប្រទេសរុស្ស៊ី លោក Antti Hrantla ត្រូវបានកោះហៅនៅថ្ងៃព្រហស្បតិ៍សប្តាហ៍នេះ ហើយបានជូនដំណឹងអំពីការបណ្តេ​ញអ្នកការទូត​ទាំងនោះ។ការសម្រេចចិត្តនេះបានធ្វើឡើងជាការឆ្លើយតបទៅនឹងការបណ្តេញអ្នកការទូតរុស្ស៊ី ៩នាក់កាលពីពេលថ្មីៗនេះរបស់ប្រទេសហ្វាំងឡង់។

ក្រសួងការបរទេសរុស្ស៊ីបាននិយាយទៀតថា ប្រទេសរុស្ស៊ីក៏បានសម្រេចចិ​​ត្តបិទស្ថានកុ​ងស៊ុលហ្វាំងឡង់នៅទីក្រុង St Petersburg ផងដែរ ដោយចោទប្រកាន់​ប្រទេសនេះថាបាន​បន្តគោ​លនយោបាយ «ប្រឈមមុខដាក់គ្នា» ចំពោះទីក្រុងម៉ូស្គូ៕