ការិយាល័យនាយករដ្ឋមន្ត្រីស្រីលង្កា បញ្ជាក់ថាប្រធានាធិបតីRajapaksa នឹងលាលែងពីតំណែងតាមការប្រកាស
ស្រីលង្កា៖ការិយាល័យនាយករដ្ឋមន្ត្រីបាននិយាយថា ប្រធានាធិបតីស្រីលង្កា Gotabaya Rajapaksa បានជូនដំណឹងដល់នាយករដ្ឋមន្ត្រី Ranil Wickremesinghe ថa នឹងលាលែងពីតំណែង "ដូចដែលបានប្រកាសពីមុន" បន្ទាប់ពីអ្នកតវ៉ារាប់ម៉ឺននាក់បានសម្រុកចូលលំនៅដ្ឋានផ្លូវការរបស់មេដឹកនាំទាំងពីរ។នេះបើតាមការចេញផ្សាយដោយសារព័ត៌មានAljazeera នៅថ្ងៃទី១១ ខែកក្កដា ឆ្នាំ២០២២។
បន្ទាប់ពីការតវ៉ាយ៉ាងខ្លាំងកាលពីថ្ងៃសៅរ៍ ក្រោយពីមានវិបត្តិសេដ្ឋកិច្ចកាន់តែតានតឹង ប្រធានសភាបាននិយាយថា លោក Rajapaksa នឹងលាលែងពីតំណែងនៅថ្ងៃពុធ។ ទោះយ៉ាងណាក៏មិនទាន់មានពាក្យផ្ទាល់ពីលោក Rajapaksa នោះដែរ។ លោក Wickremesinghe បាននិយាយថា លោកក៏នឹងចុះចេញពីតំណែងផងដែរ ដើម្បីអនុញ្ញាតឱ្យរដ្ឋាភិបាលបណ្តោះអាសន្នគ្រប់ភាគីចូលកាន់តំណែង។
មេដឹកនាំគណបក្សបានពិភាក្សាដើម្បីបង្កើតរដ្ឋាភិបាលជំនួស ដែលជាតម្រូវការបន្ទាន់របស់ប្រទេសដែលក្ស័យធន ដើម្បីបន្តការពិភាក្សាជាមួយមូលនិធិរូបិយវត្ថុអន្តរជាតិ (IMF) សម្រាប់កម្មវិធីសង្គ្រោះ។ក្នុងនោះលោកបន្តថា៖ «រដ្ឋមន្ត្រីទាំងអស់ដែលបានចូលរួមក្នុងការពិភាក្សាមានមតិថា នៅពេលមានកិច្ចព្រមព្រៀងបង្កើតរដ្ឋាភិបាលគ្រប់ភាគី ពួកគេបានត្រៀមខ្លួនរួចរាល់ហើយក្នុងការប្រគល់ការទទួលខុសត្រូវរបស់ពួកគេទៅរដ្ឋាភិបាលនោះ»៕SP
