អ៊ីរ៉ង់៖ អ៊ីរ៉ង់និយាយថាប្រទេសឥណ្ឌូនេស៊ីបានដោះលែងនាវាដឹកប្រេងរបស់ខ្លួន ដែលបានរឹបអូសយកបាននៅចុងខែមករាបន្ទាប់ពីដំណើរការរបស់តុលាការបានបញ្ចប់។ នេះបើយោងតាមសារព័ត៌មាន Aljazeera ចុះផ្សាយនៅថ្ងៃទី២៩ ខែឧសភា ឆ្នាំ២០២១
ក្រុមហ៊ុនដឹកប្រេងជាតិអ៊ីរ៉ង់ បាននិយាយនៅក្នុងសេចក្តីថ្លែងការណ៍មួយថាក្រុមហ៊ុន MT Horse និងនាវិករបស់ខ្លួនត្រូវបានដោះលែងនៅថ្ងៃសុក្របន្ទាប់ពីឆ្មាំសមុទ្រឥណ្ឌូនេស៊ីបានចាប់អស់ពេល ១២៥ថ្ងៃខណៈកិច្ចប្រឹងប្រែងរបស់មន្រ្តីជាន់ខ្ពស់អ៊ីរ៉ង់និងក្រសួងការបរទេសរបស់ប្រទេសនេះត្រូវបានបញ្ចប់។
ដោយឡែក ឥណ្ឌូណេស៊ីបាននិយាយថាឆ្មាំសមុទ្ររបស់ខ្លួនបានចាប់យកនាវាដែលមានទង់ជាតិអ៊ីរ៉ង់បន្ថែមលើនាវា MT Freya ដែលមានទង់ជាតិប៉ាណាម៉ាជុំវិញការសង្ស័យថាបានផ្ទេរប្រេងខុសច្បាប់នៅក្នុងដែនទឹករបស់ខ្លួន។
គួររម្លឹកថា រដ្ឋមន្រ្តីក្រសួងការបរទេស Mohammad Javad Zarif បានធ្វើដំណើរទៅកាន់ប្រទេសឥណ្ឌូនេស៊ីកាលពីខែមេសាហើយបានជួបជាមួយមន្ត្រីជាន់ខ្ពស់រួមទាំងប្រធានាធិបតី Joko Widodo ផងដែរ។
បន្ទាប់ពីកិច្ចប្រជុំនេះលោកនិងក្រសួងការបរទេសមិនបាននិយាយអំពីនាវានោះទេដោយ ថាពួកគេបាននិយាយអំពីការជំរុញទំនាក់ទំនងទ្វេភាគីនិងប្រឆាំងការដាក់ទណ្ឌកម្មរបស់សហរដ្ឋអាមេរិកជាឯកតោភាគីលើអ៊ីរ៉ង់។
