តាកែវ៖ រដ្ឋបាលខេត្តតាកែវ គ្រោងសាងសង់រូបសំណាក និមិត្តរូបបង្កងនិងពងទាកូន ព្រោះជាផលិតផលមានឈ្មោះល្បីល្បាញប្រចាំខេត្ត។ បើតាមប្រសាសន៍របស់លោក អ៊ូច ភា បានលើកឡើងថា ពងទាស្រែននោង និង បង្កង ជាផលិតផលកសិកម្មរបស់ខេត្ត ដែលមានភាពល្បីល្បាញទូទាំងប្រទេស និងជាផលិតផលសម្រាប់សម្គាល់តំបន់ភូមិសាស្ត្រ ហើយក៏ជាផលិតផលដែលជាប់ផលិតផល នៃភូមិ១ផលិតផល១ របស់ខេត្តផងដែរ។

សូមបញ្ជាក់ផងដែរថា ខេត្តតាកែវមានទាចំនួនជាង ១៦លានក្បាល ចិញ្ចឹមជាលក្ខណៈគ្រួសារ និងមានកសិដ្ឋានចំនួន ១៧២កន្លែង និងកន្លែងភ្ញាស់ពងទាចំនួន៧២កន្លែង ។ដោយឡែក ស្ថានីយ៍បង្កាត់កូនបង្កងចំនួន ០២ស្ថានីយ៍ នៅក្រុងដូនកែវនិងស្រុកអង្គរបូរី ៕

គួររម្លឹកថា នៅក្នុងសន្និសទីសារព័ត៌មានស្តីពី វឌ្ឍនភាពនិងទិសដៅការងារបន្តរបស់រដ្ឋបាលខេត្តតាកែវ កាលពីឆ្នាំទៅ នៅថ្ងៃទី២៣ ខែកក្កដា នាទីស្តីការគណៈរដ្ឋមន្រ្តី លោក អ៊ូច ភា អភិបាលខេត្តតាកែវ បានធ្លាប់មានប្រសាសន៍លើកឡើងថា ពងទាកូនស្រែននោង ជាផលិតផលកសិកម្មរបស់ខេត្ត ដែលមានភាពល្បីល្បាញទូទាំងប្រទេស និងជាផលិតផលសម្គាល់តំបន់ភូមិសាស្ត្រ ដែលជាប់ជាផលិតផល នៃភូមិមួយផលិតផលរបស់ខេត្តផងដែរ។