អន្តរជាតិ៖ ក្រុមហ៊ុនយក្សសេវាកម្មអណ្តូងប្រេងពិភពលោកបានបង្ហាញផែនការដើម្បីបញ្ឈប់ការវិនិយោគថ្មីនៅក្នុងប្រទេសរុស្ស៊ី ខណៈដែលពួកគេឆ្លើយតបទៅនឹងការដាក់ទណ្ឌកម្មរបស់សហរដ្ឋអាមេរិកលើប្រតិបត្តិការយោធារបស់ប្រទេសនេះនៅអ៊ុយក្រែន។ នេះបើយោងការចុះផ្សារដោយទីភ្នាក់ងារសារព័ត៌មាន AFP នៅថ្ងៃទី២១ មីនា ២០២២។
ក្រុមហ៊ុន American-Irish Weatherford International បានក្លាយជាក្រុមហ៊ុនចុងក្រោយបង្អស់ដែលគោរពតាមនិន្នាការនៃការឈប់ដំណើរការ។
ដោយឡែក ក្រុមហ៊ុន Halliburton បាននិយាយថា ខ្លួនបានបញ្ឈប់ភ្លាមៗនូវអាជីវកម្មនាពេលអនាគតទាំងអស់ ហើយនឹងបញ្ឈប់ប្រតិបត្តិការរបស់ខ្លួននៅក្នុងប្រទេស ដោយបានបញ្ចប់ការនាំចេញគ្រឿងបន្លាស់ និងផលិតផលដែលមានទណ្ឌកម្មរួចហើយ។
យ៉ាងណាមិញ ក្រុមហ៊ុន Schlumberger បាននិយាយថា ខ្លួនបានបញ្ឈប់ការវិនិយោគ និងការដាក់ពង្រាយបច្ចេកវិទ្យាថ្មី ប៉ុន្តែកំពុងបន្តជាមួយនឹងសកម្មភាពដែលមានស្រាប់របស់ខ្លួនក្នុងការអនុលោមតាមច្បាប់ និងទណ្ឌកម្មអន្តរជាតិ។
លើសពីនេះទៅទៀត ក្រុមហ៊ុន Baker Hughes ដែលមានមូលដ្ឋាននៅទីក្រុង Houston បានប្រកាសពីវិធានការស្រដៀងគ្នានេះ ដោយលើកឡើងពីភាពចាំបាច់ក្នុងការឆ្លើយតបទៅនឹងការដាក់ទណ្ឌកម្មរបស់សហរដ្ឋអាមេរិកប្រឆាំងនឹងរុស្ស៊ីលើអ៊ុយក្រែន។RT
