រុស្ស៊ី៖ អគ្គលេខាធិការអង្គការសហប្រជាជាតិលោក អាន់តូនីញ៉ូ ហ្គូដទែរេស និង ប្រធានាធិបតីរុស្ស៊ីលោក វ្លាឌីមៀ ពូទីន បានអំពាវនាវរួមគ្នាអោយអ៊ីស្រាអែល និងក្រុមសកម្មប្រយុទ្ធប៉ាឡេស្ទីន បញ្ចប់ជម្លោះយោធាដែលបានចាប់ផ្តើមនៅសប្តាហ៍នេះ។ នេះយោងតាមប្រភព Reuters

បន្ទាប់ពីកិច្ចពិភាក្សាតាមវីដេអូខលរវាងមេដឹកនាំពីរខាងលើ វិមានក្រឹមឡាំងបានបញ្ជាក់នៅក្នុងសេចក្តីថ្លែងការណ៍មួយថា ដោយមើលឃើញពីការកើនឡើងនៃជម្លោះប៉ាឡេស្ទីន និងអ៊ីស្រាអែល វាត្រូវបានបញ្ជាក់ថា ភារកិច្ចចម្បងគឺការបញ្ឈប់សកម្មភាពហិង្សាទាំងសងខាង និងធានាសុវត្ថិភាពដល់ប្រជាជនស៊ីវិល ដោយមេដឹកនាំទាំងពីរក៏បានសម្តែងការគាំទ្រ ចំពោះដំណោះស្រាយរដ្ឋពីរដើម្បីធានាសន្តិភាពផងដែរ ។

គួរបញ្ជាក់ថា ជម្លោះរវាងអ៊ីស្រាអែល និងក្រុមសកម្មប្រយុទ្ធប៉ាឡេស្ទីន (ក្រុមហាម៉ាស់) ដែលគ្រប់គ្រងតំបន់ហ្គាហ្សាស្ទ្រីព បានឈានចូលដល់ថ្ងៃទី៥ហើយ នៅថ្ងៃសុក្រនេះដោយគ្មានសញ្ញាធូរស្រាលឡើយ ទោះបីជាមានការអំពាវនាវពីអន្តរជាតិឱ្យ បញ្ចប់អំពើហិង្សាជាបន្ទាន់ក៏ដោយ ៕

អត្ថបទទាក់ទង

ព័ត៌មានថ្មីៗ