ថៃ បន្តដាក់ប្រទេសក្នុងគ្រាអាសន្ន ចាប់ពីខែធ្នូ ឆ្នាំ២០២០ រហូតដល់ពាក់កណ្តាលខែមករា ឆ្នាំ២០២១ ដើម្បីបន្តទប់ស្កាត់ការឆ្លងជំងឺកូវីដ-១៩
3 ឆ្នាំ មុន
យោងតាមសេចក្តីជូនដំណឹងរបស់ ស្ថានទូតនៃព្រះរាជាណាចក្រកម្ពុជាប្រចាំព្រះរាជាណាចក្រថៃឡង់ដ៍ បានឱ្យដឹងថា រាជរដ្ឋាភិបាលថៃបានប្រកាសបន្តដាក់ប្រទេសក្នុងគ្រាអាសន្ន ចាប់ពីថ្ងៃទី០១ ខែធ្នូ ឆ្នាំ២០២០ ដល់ថ្ងៃទី១៥ ខែមករា ឆ្នាំ២០២១ ដើម្បីបន្តទប់ស្កាត់ និងការពារការរីករាលដាលនៃជំងឺកូ វីដ-១៩ ក្នុងប្រទេសថៃ។
ស្ថានទូតក៏បានបន្ថែមថា សូមបងប្អូនប្រជាពលរដ្ឋខ្មែរនៅប្រទេសថៃទាំងអស់ មេត្តាបន្តចូលរួមស ហការណ៍ យ៉ាងសកម្មថែមទៀត ដើម្បីអនុវត្តនូវវិធានការនានារបស់រាជរដ្ឋាភិបាលថៃឱ្យបានខ្ជាប់ខ្ជួន និងមានប្រសិទ្ធិភាពខ្ពស់ ព្រមទាំងសូមរក្សាសុខភាព អនាម័យដើម្បីចូលរួមបង្ការ និងទប់ស្កាត់ការរីក រាលដាលនៃកូវីដ-១៩។
ករណីបងប្អូនមានបញ្ហាប្រឈម សូមទំនាក់ទំនងមកកាន់ស្ថានទូតតាមរយៈហ្វេសប៊ុកផេក ឬតាមរ យៈលេខទូរស័ព្ទ ០៩២ ៨០៥០ ៥៦១ (ផ្នែកកុងស៊ុល/សិស្សនិស្សិត) និង ០៩៤ ០៩២៥ ៩០៥ (ផ្នែកទទួលបន្ទុកពលករ)៕SP
