សេអ៊ូល៖ យោធាកូរ៉េខាងត្បូងបានបាញ់ព្រមាន ទៅលើទូកល្បាតរបស់កូរ៉េខាងជើង ដែលឆ្លងកាត់ព្រំដែនសមុទ្រអន្តរកូរ៉េ ពីឆ្នេរសមុទ្រភាគខាងលិចនៃឧបទ្វីបនេះ។ បើយោងការចុះផ្សារដោយទីភ្នាក់ងារសារព័ត៌មាន យ៉ុនហាប់ នៅថ្ងៃទី០៩ មីនា ២០២២។

ការប៉ះទង្គិចគ្នាបានកើតឡើងនៅពេលដែលអាជ្ញាធរកូរ៉េខាងត្បូងបានឃាត់ខ្លួនកប៉ាល់កូរ៉េខាងជើងមួយផ្សេងទៀតដែលបានឆ្លងកាត់ព្រំដែនសមុទ្រ។ ទូកល្បាតរបស់កូរ៉េខាងជើង ដែលកំពុងតាមរកនាវាទីមួយនោះ បានដកថយវិញ បន្ទាប់ពីយោធាកូរ៉េខាងត្បូងបានបាញ់ព្រមាន។

យោធាកូរ៉េខាងត្បូងបានឃាត់កប៉ាល់មួយទៀត ដែលឆ្លងកាត់ព្រំដែនសមុទ្រខុសច្បាប់នៅក្បែរកោះ Baekryeong។ ទីភ្នាក់ងារសារព័ត៌មានយ៉ុនហាប់របស់កូរ៉េខាងត្បូងបានរាយការណ៍ថា សមាជិកនាវិកប្រាំមួយនាក់ក្នុងចំណោមនាវិក 7 នាក់បានពាក់ឯកសណ្ឋានយោធា។

គួរបញ្ជាក់ថា ការប៉ះទង្គិចម្តងម្កាលបានផ្ទុះឡើងតាមបណ្តោយព្រំដែនសមុទ្រអន្តរកូរ៉េ។ ប៉ុន្តែវាគឺជាលើកទីមួយហើយដែលនាវាយោធាកូរ៉េខាងជើងបានឆ្លងកាត់ NLL ចាប់តាំងពីប្រទេសទាំងពីរបានចុះហត្ថលេខាលើកិច្ចព្រមព្រៀងយោធាឆ្នាំ 2018 ។RT