ក្រុងគៀវ៖នាយករដ្ឋមន្ត្រីអ៊ុយក្រែន លោក Denys Shmyhal បាននិយាយក្នុងសន្និសីទនៅទីក្រុងឡុង ថា លោករំពឹងថានឹងទទួលបានជំនួយប្រមាណ ៧ ពាន់លានដុល្លារ ពីប្រទេសលោកខាងលិច ក្រោយសង្រ្គាមរុស្ស៊ី មានន័យថាទីក្រុង Kyiv ត្រូវការស្តារឡើងវិញក្នុងទំរង់ដ៏ធំបំផុតមួយក្នុងតំបន់អឺរ៉ុប ចាប់តាំងពីសង្គ្រាមលោកលើកទីពីរ។ នេះបើយោងតាមការចុះផ្សាយដោយទីភ្នាក់ងារសារព័ត៌មាន Reuters នៅថ្ងៃទី ២២ មិថុនា ២០២៣។

លោក Denys Shmyhal បានសរសេរនៅលើ Telegram ថា "គោលបំណងសំខាន់គឺដើម្បីប្រមូលធនធានដើម្បីផ្តល់ហិរញ្ញប្បទានដល់ការងើបឡើងវិញយ៉ាងឆាប់រហ័ស" ។ ខណៈដែលថ្លែងអំណរគុណចំពោះការគាំទ្ររហូតមកដល់ពេលនេះ ប្រធានាធិបតីអ៊ុយក្រែនលោក Volodymyr Zelenskiy ប្ដេជ្ញាចិត្ត ចំពោះគម្រោងដែលនឹងជួយអ៊ុយក្រែនមិនត្រឹមតែងើបឡើងវិញប៉ុណ្ណោះទេ ថែមទាំងធ្វើទំនើបកម្មថែមទៀត។

ដោយឡែក នាយករដ្ឋមន្ត្រីអង់គ្លេស Rishi Sunak បានប្រាប់សន្និសីទដែលបានរួមបញ្ចូលគ្នាថា «រួមជាមួយសម្ព័ន្ធមិត្តរបស់យើង យើងនឹងរក្សាការគាំទ្ររបស់យើងសម្រាប់ការការពាររបស់អ៊ុយក្រែន និងសម្រាប់ការវាយលុក ហើយយើងនឹងឈរជាមួយអ៊ុយក្រែនឲ្យបានដរាបណាពួកគេបន្តឈ្នះសង្គ្រាមនេះ»។ 

លោកបន្ថែមថា "ជំហានដ៏ធំមួយឆ្ពោះទៅរកការជួយក្រុមហ៊ុនធានារ៉ាប់រងក្នុងការធានាការបណ្តាក់ទុនក្នុងប្រទេសអ៊ុយក្រែន ដោយដកចេញនូវឧបសគ្គដ៏ធំបំផុតមួយ និងផ្តល់ឱ្យវិនិយោគិននូវទំនុកចិត្តដែលពួកគេត្រូវការដើម្បីធ្វើសកម្មភាព" ។

គួរបញ្ជាក់ផងដែរថា បន្ទាប់ពីជិត ១៦ ខែនៃសង្រ្គាមរបស់រុស្ស៊ីលើអ៊ុយក្រែនដែលបានបំផ្លាញផ្ទះ មន្ទីរពេទ្យ និងហេដ្ឋារចនាសម្ព័ន្ធសំខាន់ៗផ្សេងទៀត រាប់មិនអស់៕