ម៉ានីល៖ មន្ត្រីអង្គការសុខភាពពិភពលោក (WHO) បាននិយាយកាលពីថ្ងៃសុក្រថា ប្រទេសអាស៊ីប៉ាស៊ីហ្វិកគួរតែបង្កើនសមត្ថភាពថែទាំសុខភាពរបស់ពួកគេ និងចាក់វ៉ាក់សាំងអោយបានពេញលេញដល់ប្រជាជនរបស់ពួកគេ ដើម្បីត្រៀមខ្លួនសម្រាប់ការកើនឡើងនៃករណីជំងឺកូវីដ ១៩ ដែលបង្កឡើងដោយវ៉ារ្យ៉ង់ Omicron ។

ជាមួយនឹងការរកឃើញជាលើកដំបូងនៅអាហ្វ្រិកខាងត្បូងកាលពីខែមុន ហើយត្រូវបានគេដាក់ឈ្មោះថាជា "ភាពបារម្ភនៃការប្រែប្រួល" ដោយ WHO អ្នកវិទ្យាសាស្ត្រនៅតែកំពុងប្រមូលទិន្នន័យដើម្បីកំណត់ថាតើ Omicron ឆ្លងមេរោគយ៉ាងដូចម្តេច និងភាពធ្ងន់ធ្ងរនៃជំងឺដែលវាបណ្តាលឱ្យទៅជាបែបណា។

វាត្រូវបានរាយការណ៍នៅក្នុងប្រទេសយ៉ាងហោចណាស់ចំនួន ២ ហើយបានចាប់ផ្តើមមាននៅអាស៊ីក្នុងសប្តាហ៍នេះ ដោយមានករណីរាយការណ៍ពីប្រទេសអូស្ត្រាលី ជប៉ុន កូរ៉េខាងត្បូង សិង្ហបុរី ម៉ាឡេស៊ី និងឥណ្ឌា ជាដើម។ ជាក់ស្តែង រដ្ឋាភិបាលជាច្រើនបានឆ្លើយតបដោយការរឹតបន្តឹងច្បាប់ធ្វើដំណើររបស់ពួកគេ។

លោក Takeshi Kasai នាយកប្រចាំតំបន់របស់អង្គការសុខភាពពិភពលោក ប្រចាំតំបន់ប៉ាស៊ីហ្វិកខាងលិច បានប្រាប់សន្និសីទសារព័ត៌មានតាមរយៈអនឡាញថា "ការគ្រប់គ្រងព្រំដែនអាចទិញពេលវេលា ប៉ុន្តែគ្រប់ប្រទេស និងសហគមន៍ទាំងអស់ត្រូវតែរៀបចំសម្រាប់ការកើនឡើងថ្មីនៅក្នុងករណីឆ្លង" ។

ប្រជាជនមិនគួរពឹងផ្អែកតែលើវិធានការព្រំដែនប៉ុណ្ណោះទេ អ្វីដែលសំខាន់បំផុតគឺត្រូវរៀបចំសម្រាប់វ៉ារ្យ៉ង់ទាំងនេះជាមួយនឹងលទ្ធភាពនៃការបញ្ជូន (ឆ្លង) កម្រិតខ្ពស់។ រហូតមកដល់ពេលនេះ ព័ត៌មានដែលមានបង្ហាញថា យើងមិនចាំបាច់ផ្លាស់ប្តូរវិធីសាស្រ្តរបស់យើងទេ" លោក Takeshi Kasai បានបញ្ជាក់។

លោកបានបន្តទៀតថា ប្រទេសនានាត្រូវតែប្រើប្រាស់មេរៀនដែលបានរៀនពីការដោះស្រាយជាមួយវ៉ារ្យ៉ង់វីរុស Delta ហើយបានជំរុញឱ្យពួកគេចាក់វ៉ាក់សាំងយ៉ាងពេញលេញដល់ក្រុមដែលងាយរងគ្រោះ និងអនុវត្តវិធានការបង្ការដូចជាការពាក់ម៉ាស់ និងច្បាប់រក្សាគម្លាតសង្គមជាដើម។

គួររំលឹកថា ទោះបីជាមានការរឹតបន្តឹងលើភ្ញៀវអន្តរជាតិក៏ដោយ ក៏អូស្ត្រាលីបានក្លាយជាប្រទេសចុងក្រោយគេ ដែលកាលពីថ្ងៃសុក្របានរាយការណ៍ពីការឆ្លងសហគមន៍នៃវ៉ារ្យ៉ង់ Omicron មួយថ្ងៃបន្ទាប់ពីវាត្រូវបានរកឃើញក្នុងស្រុកនៅក្នុងរដ្ឋចំនួន ៥ របស់សហរដ្ឋអាមេរិក។ NR