មែលប៊ន៖ មន្ត្រីអូស្ត្រាលីកាលពីថ្ងៃអាទិត្យ បាននិយាយថា មិនចាំបាច់មានការរារាំងដល់ពិធីបុណ្យណូអែលនោះទេ បើទោះបីជាការឆ្លងថ្មីនៃជំងឺកូវីដ ១៩ បានកើនឡើងនៅក្នុងទីក្រុងស៊ីដនី ជាមួយនឹងអត្រានៃការចាក់ថ្នាំបង្ការខ្ពស់របស់ប្រទេសនេះ អាចជួយឱ្យមនុស្សមិនចាំបាច់នៅមន្ទីរពេទ្យ។

រដ្ឋមន្ត្រីក្រសួងសុខាភិបាល លោក Greg Hunt បាននិយាយថា លោកមានទំនុកចិត្តថា ប្រទេសអូស្ត្រាលីនឹងមិនចាំបាច់ធ្វើតាមប្រទេសហូឡង់ ដែលបានដាក់ការបិទប្រទេសឡើងវិញយ៉ាងតឹងរ៉ឹងក្នុងអំឡុងពេលបុណ្យណូអែល និងចូលឆ្នាំសកល នោះទេ ដើម្បីទប់ស្កាត់ការរីករាលដាលនៃប្រភេទវ៉ារ្យ៉ង់ Omicron ឆ្លងខ្លាំងនេះ។

លោក Greg Hunt បានប្រាប់អ្នកយកព័ត៌មានក្នុងសន្និសីទសារព័ត៌មានតាមទូរទស្សន៍ថា យើងនឹងឈានចូលរដូវក្តៅ យើងមានអត្រាចាក់វ៉ាក់សាំងខ្ពស់បំផុតមួយនៅក្នុងពិភពលោក ហើយមានស្ថានភាពខុសៗគ្នា។ ដូច្នេះ យើងមើលមិនឃើញថា នោះជាស្ថានភាពទំនងនៅក្នុងប្រទេសអូស្ត្រាលីទេ។ លោកបាននិយាយទៀតថា ប្រទេសហូឡង់បានទទួលរងការឆ្លង និងការស្លាប់ច្រើនជាងប្រទេសអូស្ត្រាលីជុំវិញជំងឺរាតត្បាត ហើយឥឡូវនេះស្ថិតក្នុងរដូវរងា នៅពេលដែលករណីទំនងជាកើនឡើងយ៉ាងខ្លាំង។ សំដៅទៅលើជនជាតិអូស្ត្រាលីជាង ៩០% ដែលមានអាយុលើសពី ១៦ឆ្នាំ ថា "យើងរៀបចំបានល្អ ហើយមនុស្សច្រើនលើសលប់ ... បន្តធ្វើការងារដ៏អស្ចារ្យ" លោកបញ្ជាក់បន្ថែម។

រដ្ឋ New South Wales ដែលមានប្រជាជនច្រើនជាងគេរបស់ប្រទេសអូស្ត្រាលី កាលពីថ្ងៃអាទិត្យ បានរាយការណ៍ពីករណីថ្មីចំនួន ២.៥៦៦ ករណី ដែលកើនឡើងពី ២.៤៨២ ករណី កាលពីថ្ងៃសៅរ៍។ ករណីដែលមាននៅក្នុងការថែទាំដែលពឹងផ្អែកខ្លាំង (intensive care) នៅតែស្ថិតនៅក្នុងកម្រិតទាបត្រឹម ២៨ ករណី ដែលនាយករដ្ឋមន្ត្រីនៃរដ្ឋ លោក Dominic Perrottet បាននិយាយថា "មានភាពវិជ្ជមានមិនគួរឱ្យជឿ" ។

ព័ត៌មានអំពីថាតើរដ្ឋកំពុងមានការទន្ទឹងរង់ចាំក្នុងការប្រឈមមុខនឹងករណីកើនឡើងនោះ លោក Dominic Perrottet បាននិយាយថា មាត្រដ្ឋានសំខាន់គឺចំនួនករណីនៅក្នុងការថែទាំដែលពឹងផ្អែកខ្លាំង។ លោកបាននិយាយថា "វាជាពេលវេលាសម្រាប់ភាពស្ងប់ស្ងាត់។ ប៉ុន្តែវាក៏ជាពេលវេលាដ៏សំខាន់ផងដែរក្នុងការចេញទៅក្រៅ និងចាក់ថ្នាំបង្ការរោគរបស់អ្នក ពីព្រោះការចាក់វ៉ាក់សាំងគឺជាគន្លឹះនៃភាពជោគជ័យរបស់ រដ្ឋ New South Wales"។

គួរបញ្ជាក់ថា ប្រទេសអូស្ត្រាលីមានភាពល្អប្រសើរជាងប្រទេសដទៃទៀតនៅក្នុងជំងឺរាតត្បាតបន្ទាប់ពីបានបិទព្រំដែនរបស់ខ្លួនក្នុងខែមីនា ឆ្នាំ ២០២០ ដោយមានករណីឆ្លងសរុបប្រហែល ២៤៧.០០០ ករណី និងអ្នកស្លាប់ចំនួន ២.១៤២ នាក់ ។ NR