ភ្នំពេញ ៖ លោក សាយ សំអាល់ រដ្ឋមន្រ្តីក្រសួងបរិស្ថាន បានស្វាគមន៍ដល់ក្រុមហ៊ុន ហុង ឌី សេង (ខេមបូឌា) ស្ទីល ឯ.ក នៃសាធារណៈរដ្ឋ ប្រជាមានិតចិន ក្នុងការបង្កើតរោងចក្រ ស្លរដែកដែលមានទីតាំង នៅខេត្តកំពង់ស្ពឺ។
លោកបានថ្លែងថា ការវិនិយោគបង្កើតរោងចក្រនេះ ជាការរួមចំណែកក្នុងការកាត់បន្ថយសំណល់លោហៈធាតុនៅក្នុងស្រុក និងការលើកកម្ពស់ជីវភាពប្រជាជនមូលដ្ឋាន។
គួរបញ្ជាក់ថា ការថ្លែងឲ្យដឹងនេះ ក្នុងឱកាសលោក សាយ សំអាល់ បានអនុញ្ញាតឲ្យក្រុមហ៊ុន ហុង ឌី សេង (ខេមបូឌា) ស្ទីល ឯ.ក នៃសាធារណៈរដ្ឋប្រជាមានិតចិន ចូលជួបសំដែងការគួរសម និងនាំយកម៉ាស់ចំនួន៥០០០០ម៉ាស់(ប្រាំម៉ឺនម៉ាស់) ឧបត្ថម្ភជូនក្រសួងបរិស្ថានក្នុងការចូលរួមការពារនិងទប់ស្កាត់ជំងឺCovid-19៕EB
