គិតត្រឹមម៉ោង ៧ព្រឹកថ្ងៃចន្ទ ទី១៨ ខែឧសភា ឆ្នាំ២០២០នេះ ចំនួនអ្នកឆ្លងជំងឺ COVID-19 នៅទូទាំងពិភពលោក បានកើនឡើងដល់ ៤,៧៩៨,៩៥២ករណីហើយ។ ក្នុងនោះអ្នកស្លាប់មានចំនួន ៣១៦,៥១៤នាក់ និងជាសះស្បើយឡើងវិញ ១,៨៥៥,១៣២នាក់។

យោងតាមទិន្នន័យពីគេហទំព័រអន្តរជាតិ Worldometer បានបង្ហាញថា សហរដ្ឋអាមេរិក នៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ។ សហរដ្ឋអាមេរិក មានអ្នកឆ្លងជំងឺ COVID-19 ចំនួន ១,៥២៧,៣៥២នាក់ ស្លាប់ចំនួន ៩០,៩៧៣នាក់ និងជាសះស្បើយចំនួន ៣៤៤,៩៥២នាក់។

សម្រាប់កម្ពុជាអ្នកជំងឺ១២២នាក់ បានព្យាបាលជាអស់ហើយ ហើយក៏មិនមានអ្នកឆ្លងថ្មីដែររយៈពេល៣៥ថ្ងៃមកនេះ។ តែទោះជាយ៉ាងណា មន្ត្រីជំនាញទាំងក្រសួងសុខាភិបាល និងអង្គការសុខភាពពិភពលោក បានព្រមានថា ជំងឺកូវីដ១៩ មិនទាន់រលាយរលត់ពីភពផែនដីនៅឡើយ ហើយអាចឆ្លងទៅមនុស្សគ្រប់ពេលវេលា៕