គណៈកម្មាធិការព្រឹទ្ធសភាសហរដ្ឋអាមេរិក បានចេញសេចក្ដីសម្រេចនៅថ្ងៃទី២២ ខែកក្កដា ឆ្នាំ២០២០ ថារាល់មន្ត្រីបម្រើការងារ នៅក្នុង សហព័ន្ធ និងមន្ត្រីរដ្ឋាភិបាលផ្សេងទៀត មិនអនុញ្ញាតឱ្យប្រើប្រាស់កម្មវិធីទូរស័ព្ទដៃ TikTok របស់ចិនឡើយ ដែលសេចក្ដីសម្រេចនេះបានធ្វើឡើង ក្នុង គោលបំណងរក្សាសុវត្ថិភាពទិន្នន័យផ្ទាល់ខ្លួន និងទិន្នន័យពាក់ព័ន្ធនឹងរដ្ឋាភិបាល។

នៅក្នុងសេចក្ដីសម្រេចរបស់គណៈកម្មាធិការព្រឹទ្ធសភាសហរដ្ឋអាមេរិក បានបញ្ជាក់ថា «គ្មានកម្មវិធី TikTok នៅលើឧបករណ៍ (ទូរស័ព្ទ) របស់មន្ត្រីរដ្ឋាភិបាលឡើយ»។ ប៉ុន្តែនៅក្នុងសេចក្ដីសម្រេចមិនបានបញ្ជាក់ថា កម្មវិធី TikTok ត្រូវបានហាមឃាត់នៅក្នុងសហរដ្ឋអាមេរិក ទាំង មូល នោះទេ។

គួរបញ្ជាក់ផងដែរថា ក្រោយពីរដ្ឋាភិបាលឥណ្ឌាប្រកាសបិទកម្មវិធី TikTok សហរដ្ឋអាមេរិកក៏ចាប់ផ្ដើមពិចារណាបិទកម្មវិធីនេះដូចគ្នា ហើយ ទីប្រឹក្សាសេតវិមានបានផ្ដល់យោបល់ឱ្យ TikTok ប្ដូរពីក្រុមហ៊ុនចិនមកជាក្រុមហ៊ុនអាមេរិកឯករាជ្យ និងថ្មីៗនេះ TikTok បានប្រកាសថាខ្លួនបានកំណត់ យកទីក្រុងឡុងដ៍ សម្រាប់បើកការិយាល័យកណ្ដាល និងគ្រោងរើសបុគ្គលិកនៅអាមេរិកចំនួន ១ម៉ឺននាក់ថែមទៀត៕SS