តារាបាល់ទាត់ខ្សែប្រយុទ្ធរបស់ក្លិប Tottenham Hotspur សញ្ជាតិកូរ៉េខាងត្បួង Son Heung-min អាចឆ្លៀតពេលទំនេរពីក្របខ័ណ្ឌ Premier League ត្រឡប់ទៅបំពេញភារៈកិច្ចជាយោធា ជូនជាតិមាតុភូមិរបស់គាត់ ក្នុងការប្រយុទ្ធប្រឆាំងជំងឺកូវីដ១៩ ។ នេះបើយោងតាមការផ្សាយរបស់ Marca។

 បច្ចុប្បន្នកូរ៉េខាងត្បួងកំពុងតែទទួលរងការរីករាលដាលយ៉ាងខ្លាំងពីជំងឺកូវីដ១៩ ដែលធ្វើអោយមនុស្សជាច្រើននាក់បានឆ្លង និងស្លាប់បាត់បង់ជីវិត។ ដោយសារតែកត្តានេះហើយ ទើបធ្វើអោយ​ខ្សែរប្រយុទ្ធជួរមុខ Son Heung-min មានចិត្តចង់ទៅបំរើជូនជាតិមាតុភូមិ ក្នុងនាមជា កងកម្លាំងយោធារបស់កូរ៉េខាងត្បូង។

 សូមបញ្ជាក់ថា​ Son បានជួយអោយកូរ៉េខាងត្បូងឈ្នះមេដាយមាស ក្នុងព្រឹត្តិការណ៍អាស៊ីហ្គេមកាលពីឆ្នាំ២០១៨កន្លងទៅ ដូចនេះកាតព្វកិច្ចយោធារបស់ Son ត្រូវបានកាត់បន្ថយមកត្រឹមមួយខែ  ស្របពេលដែលក្លិប Tottenham Hotspur បានបើកភ្លើងខៀវអោយរូបគេចាកចេញទៅបំរើជាតិមាតុភូមិក្នុងនាមជា យោធា៕