អង្គភាពអ្នកនាំពាក្យរាជរដ្ឋាភិបាល រៀបចំសន្និសីទសារព័ត៌មាន ស្ដីពី «គម្រោងសហហិរញ្ញប្បទានទ្រទ្រង់សហគ្រាសធុនតូច និងមធ្យម និងបញ្ហាប្រឈមរបស់ធនាគារសហគ្រាសធុនតូច និងមធ្យម» នៅវេលាម៉ោង០៩៖៣០នាទីព្រឹក ថ្ងៃទី០៧ ខែឧសភា ឆ្នាំ២០២០នេះ នៅជាន់ផ្ទាល់ដី សាលសេរីភាព នៃទីស្ដីការគណៈរដ្ឋមន្ដ្រី។សន្និសីទនេះ មានគោលបំណង ជម្រាបជូនសាធារណជនឲ្យបានជ្រាបច្បាស់ ពីការពង្រីកការអនុវត្តច្បាប់ចំពោះការនាំចូលមកកម្ពុជា ដើម្បីជម្រុញបង្កើតភាពងាយស្រួលទំនិញ SME ក្នុងការនាំចេញ និងលើកទឹកចិត្ត SME ឲ្យកែច្នៃវត្ថុធាតុដើមពីកសិកម្ម ដែលជាកម្លាំងចលករមួយយ៉ាងសំខាន់លើយុទ្ធសាស្ដ្ររាជរដ្ឋាភិបាល ដើម្បីផ្សព្វផ្សាយជាសាធារណៈ។