នៅលើហ្វេសប៊ុកផ្លូវការរបស់សម្ដេចតេជោ បានសរសេរថា ក្មួយៗសម្រេចនៅធ្វើការក្នុងកន្លែងដែលមានសុវត្ថិភាពបំផុត ដែលប្រសើរជាងការសម្រេចទៅសម្រាកលំហែរកំសាន្តនៅកន្លែងដទៃដែលមិនមានសុវត្ថិភាពក្នុងពេលដែលប្រទេសជាតិកំពុងប្រយុទ្ធប្រឆាំងនឹងជំងឺឆ្លងកូវីដ- ១៩។ អរគុណកូនក្មួយទាំងអស់គ្នាដែលចូលរួមទប់ស្កាត់ការរីករាលដាលជំងឺឆ្លងកូវីដ -១៩ ដ៏កាចសាហាវបំផុតនេះ។

គួរបញ្ជាក់ផងដែរថា រាជរដ្ឋាភិបាលកម្ពុជាបានសម្រេចផ្អាកកម្មវិធីចូលឆ្នាំថ្មីប្រពៃណីជាតិ ពីថ្ងៃទី១៣ ដល់ថ្ងៃទី ១៦ មេសា ដើម្បីទប់ស្កាត់ការឆ្លងរីករាលដាលនៃវីរុសថ្មី។ កាលពីថ្ងៃទី០៩ មេសា សម្ដេចតេជោនាយករដ្ឋមន្ត្រីបានបញ្ជាឱ្យដាក់កំហិតក្នុងការធ្វើដំណើរពីខេត្តមួយទៅខេត្តមួយ ដើម្បីទប់ស្កាត់ការឆ្លងវីរុសជាយថាហេតុ ដោយមិនអាចគ្រប់គ្រងបាន។ ក្រសួងការងារនិងបណ្ដុះបណ្ដាលមវិជ្ជាជីវៈ កាលពីម្សិលមិញ ក៏បានជូនដំណឹងដល់ ម្ចាស់សហគ្រាស រោងចក្រ ឲ្យបន្តធ្វើការធម្មតា ដោយរាជរដ្ឋាភិបាល នឹងសងថ្ងៃឈប់សម្រាក៥ថ្ងៃនៅពេលក្រោយ។កម្មករកម្មការិនីនៅតាមរោងចក្រ ជាច្រើននៅក្នុងរាជធានីភ្នំពេញនិងតាមបណ្ដាខេត្ត បានសម្រេចចិត្តធ្វើការធម្មតា ទៅតាមការណែនាំរបស់រាជរដ្ឋាភិបាលកម្ពុជា៕PP