ហូរឡង់៖ ប្រទេសហូឡង់ នឹងប្រគល់យន្ដហោះចម្បាំង F-16 ចំនួន១៨គ្រឿងទៅឱ្យអ៊ុយក្រែន ដើម្បីជួយនៅក្នុងសង្រ្គាមប្រឆាំងនឹងការឈ្លានពាន របស់រុស្ស៉ី។ នេះជាការបញ្ជាក់ពីរដ្ឋាភិបាលហូឡង់ ដកស្រង់ចេញផ្សាយដោយទីភ្នាក់ងារសារព័ត៌មាន Reuters។

នាយករដ្ឋមន្ត្រីចាំផ្ទះហូឡង់ លោក Mark Rutte បានគូសបញ្ជាក់ ដូច្នេះថា «នៅថ្ងៃនេះ ខ្ញុំបានជូនដំណឹងទៅកាន់លោកប្រធានាធិបតី ហ្សេលេនស្គី អំពីការសម្រេចចិត្តនៃរដ្ឋាភិបាលរបស់យើង ក្នុងការត្រៀមប្រគល់ យន្ដហោះចម្បាំង F-16 ចំនួន១៨ គ្រឿងដំបូងសម្រាប់អ៊ុយក្រែន»។

គួរបញ្ជាក់ថា ដាណឺម៉ាក ន័រវែស និងបែលហ្ស៉ិក ក៏ធ្លាប់បានប្រកាសផងដែរថាពួកគេនឹងបញ្ជូនយន្ដហោះចម្បាំង F-16 ឱ្យអ៊ុយក្រែន បន្ទាប់ពីសហរដ្ឋអាមេរិក បើកភ្លើងបៃតងឱ្យសម្ព័ន្ធមិត្តរបស់ខ្លួន បញ្ជូនយន្ដហោះចម្បាំង F-16 ទៅឱ្យអ៊ុយក្រែន ឱ្យបានឆាប់តាមដែលអាចធ្វើទៅបាន ក្រោយពីឡុតអ៊ុយក្រែនបញ្ចប់ការបណ្ដុះបណ្ដាលពីរបៀបបញ្ជា យន្ដហោះចម្បាំងដ៏ទំនើបមួយនេះ៕