នាយករដ្ឋមន្ត្រីអ៊ីស្រាអែលឱ្យក្រុមហាម៉ាសដោះចំណាប់ខ្មាំងជាង២៤០នាក់ជាមុនសិន ទើបយល់ព្រមឈប់បាញ់ជាមួយក្រុមហាម៉ាស
អ៊ីស្រាអែល៖ នាយករដ្ឋមន្ត្រីអ៊ីស្រាអែល លោក Benjamin Netanyahu បានទាមទារឲ្យកក្រុមហាម៉ាសដោះចំណាប់ខ្មាំងជាង២៤០នាក់ជាមុនសិន ទើបបទឈប់បាញ់មួយអាចលេចចេញជារូបរាងបាន។នេះបើតាមការចេញផ្សាយដោយសារព័ត៌មានAljazeera នៅថ្ងៃទី ៦ ខែវិច្ឆិកា ឆ្នាំ២០២៣។
លោក Netanyahu លើកឡើងថា“នឹងគ្មានបទឈប់បាញ់ឡើយ បើមិនមានការវិលត្រលប់របស់ចំណាប់ខ្មាំងទេនោះ។ ពាក្យនេះគួរតែត្រូវបានដកចេញទាំងស្រុងពីវចនានុក្រម។ យើងនិយាយនេះទៅកាន់មិត្តរបស់យើង និងចំពោះសត្រូវរបស់យើង។ យើងនឹងបន្តរហូតដល់យើងកម្ចាត់ពួកគេ យើងគ្មានជម្រើសផ្សេងឡើយ”។
សូមបញ្ជាក់ថាមន្ត្រីសុខាភិបាលហ្គាហ្សានិយាយថា ប្រជាជនប៉ាឡេស្ទីនជាង៩៧៧០នាក់ ត្រូវបានសម្លាប់ក្នុងសង្គ្រាមបច្ចុប្បន្ន ដែលចាប់ផ្តើម ពេលដែលក្រុមហាម៉ាស បើកការវាយប្រហារដ៏គួរឲ្យភ្ញាក់ផ្អើលមួយលើភាគខាងត្បូងប្រទេសអ៊ីស្រាអែល កាលពីថ្ងៃទី៧ខែតុលា ដោយបានសម្លាប់មនុស្ស១៤០០នាក់ និងចាប់ចំណាប់ខ្មាំងជាង២៤០នាក់៕
