អ៊ីស្រាអែល៖ សាកសពចំនួន៣០ ដែលភាគច្រើនជាស្ត្រី និងកុមារ ត្រូវបានរកឃើញពីក្រោមអគារបាក់បែកនៃអគារដែលត្រូវបានទម្លាក់គ្រាប់បែកនៅក្នុងជំរុំជនភៀសខ្លួន Jabalia នៃ Gaza ។នេះបើតាមករចេញផ្សាយដោយសារព័ត៌មានAljazeera នៅថ្ងៃទី ២៣ ខែតុលា ឆ្នាំ២០២៣។

ក្រសួងមហាផ្ទៃហ្គាហ្សាបាននិយាយថា មានមនុស្សស្លាប់និងរបួសជាច្រើននាក់ បន្ទាប់ពីការវាយប្រហារតាមអាកាសរបស់អ៊ីស្រាអែលកាលពីល្ងាចថ្ងៃអាទិត្យលើអគារលំនៅដ្ឋានមួយនៅក្នុងជំរុំជនភៀសខ្លួនដ៏ធំបំផុតក្នុងចំណោមជំរុំចំនួនប្រាំបីនៅក្នុងបន្ទះនោះ។

យ៉ាងហោចណាស់មនុស្ស២៧ នាក់ក៏បានរងរបួសផងដែរ ដោយមន្ទីរពេទ្យបាននិយាយថា ពួកគេកំពុងព្យាយាមព្យាបាលអ្នករបួស។មកដល់ពេលនេះអ៊ីស្រាអែលបានបន្តទម្លាក់គ្រាប់បែកនៅហ្គាហ្សាស្ទ្រីបអស់រយៈពេលជាងពីរសប្តាហ៍ដើម្បីឆ្លើយតបទៅនឹងការលុកលុយដោយក្រុមហាម៉ាស់នៅលើដីអ៊ីស្រាអែលកាលពីថ្ងៃទី ៧ ខែតុលា។ 

គួរបញ្ជាក់ថា ការវាយប្រហារលើជំរុំបានកើតឡើងនៅពេលដែលចំនួនអ្នកស្លាប់នៅហ្គាហ្សាបានកើនឡើងដល់៤៦៥១ នាក់ និងចំនួនអ្នករងរបួសដល់ ១៤២៤៥ នាក់ ចាប់តាំងពីពេលនោះមក៕