កូរ៉េខាងជើង៖ក្រសួងការពារជាតិជប៉ុនបានអះអាងថា ប្រទេសកូរ៉េខាងជើងបានបាញ់មីស៊ីលផ្លោងចំនួនពីរគ្រាប់ចូលទៅក្នុងសមុទ្រជប៉ុនកាលពីថ្ងៃអាទិត្យ។នេះបើតាមការចេញផ្សាយដោយសារព័ត៌មានRTនៅថ្ងៃទី១៩ ខែធ្នូ ឆ្នាំ២០២២។
យោងតាមសេចក្តីថ្លែងការណ៍ កាំជ្រួចទាំងពីរបានធ្វើដំណើរប្រហែល ៥០០គីឡូម៉ែត្រ (310.6 ម៉ាយ) ហើយបានចុះចតនៅខាងក្រៅតំបន់សេដ្ឋកិច្ចផ្តាច់មុខរបស់ប្រទេសជប៉ុន។
អគ្គសេនាធិការចម្រុះកូរ៉េខាងត្បូង (JCS) បាននិយាយថា ខ្លួនបានរកឃើញការបាញ់បង្ហោះពីរគ្រាប់ពីខេត្ត Pyongan ខាងជើងរបស់ប្រទេសកូរ៉េខាងជើង។ក្នុងនោះ JCS បាននិយាយនៅក្នុងសារមួយទៅកាន់អ្នកយកព័ត៌មានថា "យោធារបស់យើងកំពុងរក្សាជំហរត្រៀមខ្លួនពេញលេញក្នុងកិច្ចសហប្រតិបត្តិការជិតស្និទ្ធជាមួយសហរដ្ឋអាមេរិក" ៕SP
