បរទេស៖ ទីភ្នាក់ងារព័ត៌មាន Al Jazeera បាននិយាយថា អ្នកកាសែត ៥នាក់ មានទាំងសហការី របស់ខ្លួន ២នាក់ ត្រូវបានសម្លាប់ នៅក្នុងការវាយប្រហារ របស់អ៊ីស្រាអែល នៅតំបន់ហ្គាហ្សា កាលពីថ្ងៃទី១០ ខែសីហា ឆ្នាំ២០២៥។ទូរទស្សន៍ ដែលមានមូលដ្ឋាន នៅប្រទេសកាតា មួយនេះ បានអះអាងថា អ្នកឆ្លើយឆ្លងព័ត៌មានរបស់ខ្លួន ២នាក់ រួមទាំង អ្នកកាសែតល្បីឈ្មោះម្នាក់ ត្រូវបានសម្លាប់ ជាមួយនឹងអ្នកថត រូបភាពព័ត៌មាន បីនាក់ ផ្សេងទៀត។

លោក Anas al-Sharif ជាអ្នកយកព័ត៌មាន ដែលខ្លួនចោទថា ជា «ភេរវករ» មានទំនាក់ទំនង ជាមួយក្រុមសកម្មប្រយុទ្ធ ហាម៉ាស។យោងតាមក្រុមអ្នកឃ្លាំមើល ប្រព័ន្ធផ្សព្វផ្សាយ បានឱ្យដឹងថា នេះគឺជាការវាយប្រហារចុងក្រោយបំផុត ដែលឃើញថាអ្នកកាសែតជាគោលដៅ នៅក្នុងសង្គ្រាមរយៈពេល២២ខែ នៅហ្គាហ្សា ដោយមានបុគ្គលិកប្រព័ន្ធផ្សព្វផ្សាយប្រហែល២០០នាក់ត្រូវបានសម្លាប់ ក្នុងអំឡុងពេល នៃជម្លោះនេះ។

ជាការកត់សម្គាល់ លោក Al-Sharif គឺជាអ្នកកាសែតល្បី ក្នុងពេលបំពេញបេសកកម្ម នៅតំបន់ហ្គាហ្សា ដោយតែងតែផ្តល់របាយការណ៍ប្រចាំថ្ងៃ នៅក្នុងការផ្សាយ ជាទៀងទាត់។កាលពីខែកក្កដា គណៈកម្មាធិការការពារអ្នកសារព័ត៌មាន បានចេញសេចក្តីថ្លែងការណ៍មួយ អំពាវនាវឱ្យមានការការពារ រូបលោក ខណៈដែលលោកបានចោទប្រកាន់អ្នកនាំពាក្យយោធាអ៊ីស្រាអែល ថា បង្កើនការវាយប្រហារ តាមអ៊ីនធឺណិត លើរូបខ្លួន ដោយចោទប្រកាន់ថា ជាភេរវករ ហាម៉ាស៕