មិនធ្លាប់មានពីមុនមក ពេលនេះតៃវ៉ាន់ អនុញ្ញាតឱ្យស្ត្រីចូលហ្វឹកហាត់ជាទាហាន ប្រឆាំងនឹងការគំរាមកំហែងពីប្រទេសចិន
តៃវ៉ាន់៖ យោធារបស់កោះតៃវ៉ាន់បានប្រកាសពីផែនការ ដើម្បីរួមបញ្ចូលស្ត្រី ក្នុងការហ្វឹកហ្វឺនទាហាន បម្រុងរបស់ខ្លួនជាលើកដំបូងក្នុងឆ្នាំនេះ ខណៈដែលកោះនេះព្យាយាមពង្រឹងកងកម្លាំងរបស់ខ្លួន ប្រឆាំងនឹងការគំរាមកំហែងពីប្រទេសចិន។
ក្រសួងការពារជាតិរបស់ទីក្រុងតៃប៉ិបាននិយាយថា ខ្លួននឹងអនុញ្ញាតឱ្យទាហានស្ត្រីប្រហែល ២០០ នាក់ ដែលត្រូវបានរំសាយចេញ ដើម្បីចុះឈ្មោះចូលរៀននៅក្នុងវគ្គបណ្តុះបណ្តាលបម្រុង ដោយស្ម័គ្រចិត្ត ចាប់ពីត្រីមាសទីពីរនៃឆ្នាំនេះ ដែលជាផ្នែកនៃកិច្ចខិតខំប្រឹងប្រែងដើម្បីបង្កើនកម្លាំងបម្រុងទាំងមូល។
ឧត្តមសេនីយ Yu Wen-cheng មកពីទីភ្នាក់ងារចល័តការពារទាំងអស់របស់ក្រសួងបាននិយាយថា នេះគឺជាឆ្នាំដំបូង ដែលរួមបញ្ចូលស្ត្រីនៅក្នុងការបណ្តុះបណ្តាលបម្រុង ដូច្នេះនៅឆ្នាំនេះនឹង ក្លាយជាកម្មវិធីសាកល្បង ។ យើងនឹងរៀបចំផែនការសមត្ថភាពបណ្តុះបណ្តាលទៅតាមចំនួនបេក្ខជន។
លោកបានប្រាប់អ្នកយកព័ត៌មានថា កម្មវិធីស្ម័គ្រចិត្តមានគោលបំណង ពង្រឹងប្រសិទ្ធភាពនៃការហ្វឹកហ្វឺន កងទ័ពបម្រុងឡើងវិញក្នុងជំនាញប្រយុទ្ធ ដើម្បីជួយកែលម្អសមត្ថភាពប្រយុទ្ធរបស់ពួកបម្រុង។
សូមបញ្ជាក់ថា ការឈ្លានពានរបស់ចិនកាន់តែខ្លាំងឡើងក្នុងប៉ុន្មានឆ្នាំចុងក្រោយនេះ ក្រោមការដឹកនាំ របស់លោក ប្រធានាធិបតី Xi Jinping ហើយការឈ្លានពានរបស់រុស្ស៊ីលើអ៊ុយក្រែន បានធ្វើឱ្យមានការព្រួយ បារម្ភកាន់តែខ្លាំងនៅក្នុងដែនដីតៃវ៉ាន់៕
