(តៃវ៉ាន់)៖ តៃវ៉ាន់បានធ្វើសមយុទ្ធមីស៊ីល នៅដែនទឹកភាគខាងកើតរបស់ខ្លួន ដែលចិនកំពុងបង្កើនសកម្មភាពយោធារបស់ខ្លួន។នេះបើយោងតាមការចុះផ្សាយរបស់សារព័ត៌មានAPនៅថ្ងៃទី២៨ ខែ ឧសភា ឆ្នាំ២០២២។
ប្រភពដដែលនិយាយថា មីស៊ីលត្រូវបានបាញ់ចេញពីដី កប៉ាល់ និងយន្តហោះប្រឆាំងនឹងនាវាសត្រូវ ហើយមានភាពត្រឹមត្រូវប្រហែល ៩៨ ភាគរយ។ វាក៏និយាយផងដែរថា សមយុទ្ធបាញ់មីស៊ីល Hsiung Feng II ដែលជាមីស៊ីលប្រឆាំងនាវាដែលត្រូវបានបង្កើតឡើងដោយតៃវ៉ាន់ ត្រូវបានធ្វើឡើងជាលើក ដំបូងដោយប្រើនាវាល្បាតថ្មី។
កងទ័ពជើងទឹករបស់តៃវ៉ាន់និយាយថា ខ្លួនបានធ្វើសមយុទ្ធក្នុងរយៈពេលជាច្រើនថ្ងៃក្នុងខែនេះ នៅ ឯមូលដ្ឋានមីស៊ីលមួយ នៅក្នុងស្រុក Pingtung ភាគខាងត្បូង និងនៅមហាសមុទ្រប៉ាស៊ីហ្វិក ភាគខា ងកើតកោះតៃវ៉ាន់។នាវាផ្ទុកយន្តហោះចិន Liaoning ត្រូវបានដាក់ពង្រាយនៅភាគខាងកើតកោះ តៃ វ៉ាន់ក្នុងខែនេះ។ យន្តហោះចម្បាំង និងយន្តហោះទម្លាក់គ្រាប់របស់ចិនក៏ឆ្លងកាត់តំបន់នេះជាញឹកញាប់៕SP
